Նորություններ Subheading
տեղադրվել է 2023.04.09 11:09
07.04.2023-01.05.2023
2023 թվականի շախմատի աշխարհի առաջնությունը տեղի կունենա ապրիլի 7-ից մայիսի 1-ը Ղազախստանի Աստանա քաղաքում:
Հիշեցնենք, որ 2022 թվականի հոկտեմբերի 31-ին աշխարհի գործող չեմպիոն Մագնուս Կարլսենը պաշտոնապես հաստատեց, որ չի պաշտպանի աշխարհի չեմպիոնի իր տիտղոսը իր մրցակցի Յան Նեպոմնյաշչիի դեմ: Այսպիսով, չինացի գրոսմայստեր Դին Լիրենը, ով հավակնորդների մրցաշարում զբաղեցրել էր 2-րդ հորիզոնականը, անսպասելի հնարավորություն ստացավ հանդես գալու աշխարհի առաջնությունում:
Այն խաղացողը, ով վաստակում է 7.5 կամ ավելի միավոր, դառնում է աշխարհի չեմպիոն:
Ոչ-ոքի արդյունքի դեպքում չեմպիոնը կորոշվի արագ շախմատի փլեյ-օֆֆում:
Բոլոր խաղերը սկսվելու են Հայաստանի ժամանակով 13:00-ին և յուրաքանչյուր երկու խաղափուլից հետո լինելու է հանգստի օր: Առաջին խաղափուլը կմեկնարկի ապրիլի 9-ին։
Շախմատիստները չեն կարող ոչ-ոքի գրանցել մինչև սևերը չկատարեն իրենց 40-րդ քայլը: Մինչև սևերի 40-րդ քայլը ոչ-ոքիի պահանջը թույլատրվում է միայն նույն դիրքի երեք անգամ կրկնության կամ պատի դեպքում:
Մրցանակային ֆոնդը կազմում է երկու միլիոն եվրո: Հաղթողը կստանա մրցանակային ֆոնդի 60%-ը:
Դե ինչ, շուտով կիմանանք աշխարհի 17-րդ չեմպիոնի անունը…
Մրցաշարի պաշտոնական կայք՝ https://worldchampionship.fide.com/general-information
