Նորություններ Subheading
տեղադրվել է 2023.04.09 10:31
1-ին խաղափուլ
Շախմատի աշխարհի առաջնության առաջին պարտիան 49 քայլից և մոտ հինգ ժամ տևած խաղից հետո ավարտվեց ոչ-ոքի արդյունքով։
Իսպանական սկզբնախաղում Յան Նեպոմնյաշչին կարողացավ զարմացնել Դին Լիրենին և գրավել նախաձեռնությունը: Չինացի շախմատիստը զգալիորեն ավելի շատ ժամանակ ծախսեց սկզբնախաղում:
Նեպոմնյաշչին առավելություն ուներ ինչպես խաղատախտակի, այնպես էլ ժամացույցի վրա, սակայն բաց թողեց իր առավելությունը խաղի կրիտիկական պահին: Չնայած մրցակցին մնացել էր ընդամենը մի քանի րոպե, Նեպոմնյաշչիին չհաջողվեց առավելագույնս օգտագործել իր հնարավորությունները և արդյունքում խաղը հավասար վերջնախաղում ավարտվեց ոչ-ոքի արդյունքով:
Երկրորդ պարտիան տեղի կունենա ապրիլի 10-ին, Հայաստանի ժամանակով 13:00-ին։
