տեղադրվել է 2023.03.12 11:25
9-րդ խաղափուլ
Ավարտվեց Եվրոպայի 2023 թվականի անհատական առաջնության 9-րդ խաղափուլը:
Հայ շախմատիստներից այսօր հաղթանակ տարավ միայն Սամվել Տեր-Սահակյանը:
Կրկին ունենք շատ ոչ-ոքիներ: Ոչ-ոքի արդյունքով են ավարտվել Գաբրիել Սարգսյանի, Հայկ Մարտիրոսյանի, Մանուել Պետրոսյանի, Շանթ Սարգսյանի, Մամիկոն Ղարիբյանի, Ռոբերտ Հովհաննիսյանի, Էմին Օհանյանի, Վահե Դանիելյանի, Ռոբերտ Փիլիպոսյանի և Ալեքս Սահակյանի խաղերը:
Այսօր Անտոն Կորոբովը պարտվել է Ալեքսեյ Սարանային և այժմ մրցաշարի միանձնյա առաջատարը Ալեքսեյ Սարանան է, ով 9 հնարավորից վաստակել է 7.5 միավոր:
Գաբրիել Սարգսյանը, Մանուել Պետրոսյանը, Հայկ Մարտիրոսյանը, Շանթ Սարգսյանը, Մամիկոն Ղարիբյանը, Ռոբերտ Հովհաննիսյանը և Սամվել Տեր-Սահակյանը վաստակել են 6 միավոր:
Առաջնության ավարտին մնացել է 2 խաղափուլ: