Նորություններ Subheading

Ավարտին մոտեցավ Ռուսաստանի Չելյաբինսկ քաղաքում ընթանող «Memorial Lozovatsky 2023» միջազգային մրցաշարի 7-րդ խաղափուլը: 

Մրցաշարում հաջող են հանդես գալիս մեր պատանի շախմատիստները: 

Ա մրցաշարում մասնակցում է 9 երկրների 156 շախմատիստ, որից 7-ը Հայաստանից:

ՖՎ Էրիկ Չաքրյանը, հաղթելով 3 գրոսմայստերի, 7 հնարավորից վաստակել է 5 միավոր և գտնվում է 18-րդ հորիզոնականում: Էրիկը իր վարկանիշը բարելավում է 40,2 կետով:

Հայ պատանի շախմատիստներից ՄՎ Արմեն Բարսեղյանը, ՖՎ Արսեն Դավթյանը և ՄՎ Արթուր Դավթյանը վաստակել են 4.5 միավոր և համապատասխանաբար զբաղեցնում են 21-րդ, 24-րդ և 28-րդ հորիզոնականները: ՖՎ Արսեն Դավթյանը բարելավում է իր վարկանիշը 38,4 կետով:

Բ մրցաշարում, որին մասնակցում են միայն իգական սեռի ներկայացուցիչները, ընդհանուր կա 9 երկրների 73 մասնակից, որից 3-ը Հայաստանից:

Աստղիկ Հակոբյանը 7 հնարավորից վաստակել է 4.5 միավոր և զբաղեցնում է 17-րդհորիզոնականը: Աստղիկը իր վարկանիշը բարելավում է 32,8 կետով: 

Հաջողություն ենք մաղթում մեր հայ պատանիներին ամենակարևոր վերջին 3 խաղափուլերում: 

Մանրամասներին կարող եք ծանոթանալ հետևյալ հղմամբ՝ chess-results.com/tnr713226.aspx?lan=1