Նորություններ Subheading
տեղադրվել է 2023.01.23 12:49
Փակման արարողություն
Այսօր Տիգրան Պետրոսյանի անվան շախմատի տուն-մարզադպրոցում տեղի ունեցան Հայաստանի 83-րդ առաջնության և Հայաստանի կանանց 78-րդ առաջնության փակման պաշտոնական արարողությունները։
Պարգևատրման արարողությանը ներկա էին ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը, Հայաստանի շախմատի ֆեդերացիայի նախագահի առաջին տեղակալ Սմբատ Լպուտյանը, Հայաստանի շախմատի ֆեդերացիայի գործադիր տնօրեն Հրաչիկ Թավադյանը, միջազգային մրցավարներ Աշոտ Վարդապետյանը և Նունե Վարդանյանը։
Բացման հանդիսավոր ելույթով հանդես եկավ պարոն Լպուտյանը, ով նշեց, որ մրցաշարը շատ հետաքրքիր պայքարով ընթացավ, և շնորհավորեց բոլոր հաղթողներին։
ԿԳՄՍ նախարարի տեղակալ պարոն Գիլոյանը շնորահվորեց բոլոր մասնակիցներին և շնորհակալություն հայտնեց կազմակերպիչներին՝ շատ լավ կազմակերպված և անցկացված մրցաշարի համար։
Աշոտ Վարդապետյանը և Նունե Վարդանյանը համապատասխանաբար ներկայացրեցին տղամարդկանց և կանանց մրցաշարերի արդյունքները։
Եվ այսպես ամենակաևոր պահը․ մեր մրցանակակիրները՝
Հայաստանի 83-րդ առաջնության մրցանակային եռյակը ունեցավ հետևյալ տեսքը՝
ՄԳ Սամվել Տեր-Սահակյան
ՄԳ Մանուել Պետրոսյան
ՄԳ Հովհաննիսյան Ռոբերտ
Հայաստանի կանանց 78-րդ առաջնության մրցանակային եռյակը ունեցավ հետևյալ տեսքը՝
ԿՄԳ Մարիա Գևորգյան
ԿՄՎ Սուսաննա Գաբոյան
ԿՖՎ Արփինե Գրիգորյան
Սամվել Տեր-Սահակյանը և Մարիա Գևորգյանը ստացան Հայաստանի հավաքականում հանդես գալու իրավունք։
