Նորություններ Subheading

ՖԻԴԵ-ն հրապարակել է գործակիցները հունիսի 1-ի դրությամբ։ 
Տղամարդկանց ցուցակում Գաբրիել Սարգսյանը 40-րդն է 2696 գործակցով։ Հայկ Մարտիրոսյանը բարելավել է իր դիրքերը և այժմ 2656 գործակցով Հայաստանի 2-րդ շախմատիստն է, իսկ ՖԻԴԵ-ի 87-րդը։ Նշեմ, որ Գաբրիել Սարգսյանը և Հայկ Մարտիրոսյանը Շարժա Մասթերս վերջերս ավարտված մրցաշարում բարելավել են իրենց գործակիցները, սակայն դրանք ներառված չեն հունիս ամսվա ցուցակում և կհաշվարկվեն հուլիս ամսին։ Հրանտ Մելքումյանը 2655 գործակցով 90-րդն է։ 
Կանանց պայքարում փոփոխություններ չկան։ Էլինա Դանիելյանը 2441 գործակցով այս պահին աշխարհի 31-րդն է։ Լիլիթ Մրտչյանի և Աննա Սարգսյանի գործակիցները հավասար են՝ 2378, և այս պահին ցուցակում զբաղեցնում են համապատասխանաբար՝ 73-րդ և 74-րդ հորիզոնականները։ 
Մինչև 20 տարեկան պատանիների պայքարում Շանթ Սարգսյանը՝ 10-րդն է։ Արթուր Դավթյանը և Մամիկոն Ղարբյանը 61-րդ և 62-րդ հորիզոնականներում են։ Շանթը, Արթուրը և Մամիկոնը ևս բարելավել են իրենց անձնական գործակիցները Շարժա Մասթերսում, սակայն արդյունքները դեռ հաշվարկված չեն։ 
Մինչև 20 տարեկան աղջիկների ցուցակում Մարիամ Մկրտչյանը՝ 25-րդն է։