Նորություններ Subheading
տեղադրվել է 2021.04.14 01:30
Մրցաշարում հաջող հանդես եկան նաև Հայաստանը ներկայացնող այլ շախմատիստներ։
Բելառուսի Օրշա քաղաքում ավարտվեց «Օրշա» շախմատային միջազգային փառատոնը, որի շրջանակներում անցկացվեցին մի շարք մրցաշարեր։ Փառատոնի գլխավոր՝ A մրցաշարում հիանալի հանդես եկավ կանանց գրոսմայստեր Աննա Սարգսյանը։ Սարգսյանը 9 հնարավորից վաստակեց 6,5 միավոր և գրավեց 2-րդ հորիզոնականը։ Մրցաշարի հաղթող դարձավ Բելառուսը ներկայացնող գրոսմայստեր Ալեքսեյ Ալեքսանդրովը։ Երիտասարդ շախմատիստ Արմեն Բարսեղյանը 6 միավորով գրավեց 6-րդ հորիզոնականը։ Մրցաշարում հաջող հանդես եկան նաև պատանի շախմատիստներ Վահե Գրիգորյանը․ Արարատ Ստեփանյանը և Ռաֆայել Ստեփանյանը, ովքեր իրենց գործակիցները բարձրացրեցին համապատասխանաբար 104, 80 և 62 կետերով։
Եզրափակիչ աղյուսակ
F մրցաշարում, որին մասնակցում էին 10 շախմատիստ, հաջող հանդես եկավ 17-ամյա կանանց ՖԻԴԵ-ի վարպետ Մարիամ Մկրտչյանը, ով 5 միավորով գրավեց 2-րդ հորիզոնականը, լրացրեց կանանց միջազգային վարպետի նորմա և 81 կետով բարելավեց անհատական վարկանիշը։
