Նորություններ Subheading
տեղադրվել է 2021.02.01 11:44
Երկրորդ հորիզոնականը գրավեց Նիդեռլանդների մեկ այլ ներկայացուցիչ Անիշ Գիրին։
Նիդեռլանդների Վեյկ-ան-Զեե քաղաքում ավարտվեց Tata Steel ավանդական գերհզոր մրցաշարը, որին մասնակցում էին աշխարհի չեմպիոն Մագնուս Կարլսենը, աշխարհի չեմպիոնի կոչման նախկին հավակնորդ Ֆաբիանո Կարուանան և այլ ուժեղագույն շախմատիստներ։ Մրցաշարի անակնկալ հաղթող դարձավ Նիդեռլանդները ներկայացնող 21-ամյա Յորդեն Վան-Ֆորեստը, ով դարձավ 1985 թվականից Նիդեռլանդները ներկայացնող առաջին գրոսմայստերը, ով կարողացավ հաղթել այս մրցաշարում։ Վան Ֆորեստը վաստակեց 8,5 միավոր և Նիդեռլանդների մեկ այլ ներկայացուցիչ Անիշ Գիրիի հետ կիսեց 1-2-րդ հորիզոնականները։ Հաղթողին որոշելու համար նշանակվեց թայ-բրեյք, որում ուժեղ գտնվեց Վան Ֆորեստը։ 3-րդ հորիզոնականը գրավեց 18-ամյա Անդրեյ Եսիպենկոն, ով մրցաշարի ընթացքում հաղթեց Մագնուս Կարլսենին։ Կարլսենը 7,5 միավորով գրավեց 6-րդ հորիզոնականը։
