Նորություններ Subheading
տեղադրվել է 2021.02.22 10:42
2-րդ հորիզոնականում գտնվող Արման Փաշիկյանը առաջատարից հետ է կես միավորով։
Հայաստանի տղամարդկանց առաջնությունում կայացավ 5-րդ տուրը։ Մրցաշարի առաջատար Հովհաննես Գաբուզյանը սևերով հաղթեց Մամիկոն Ղարիբյանին։ 2-3-րդ հորիզոնականները բաժանող Արման Փաշիկյանի և Տիգրան Հարությունյանի դիմակայությունում ուժեղ գտնվեց ավելի փորձառու Փաշիկյանը։ 5-րդ տուրում հաղթանակ տոնեց նաև Զավեն Անդրիասյանը։ Ռոբերտ Հովհաննիսյան - Մանուէլ Պետրոսյան, Հայկ Մարտիրոսյան - Շանթ Սարգսյան և Սամվել Տեր-Սահակյան - Տիգրան Լ․ Պետրոսյան պարտիաներն ավարտվեցին հաշտությամբ։
Հովհաննես Գաբուզյանտ 4,5 միավորով շարունակում է միանձնյա գլխավորել աղյուսակը։ Արման Փաշիկյանը 4 միավորով գտնվում է 2-րդ հորիզոնականում, իսկ Մանուէլ Պետրոսյանը, Տիգրան Հարությունյանը և Սամվել Տեր-Սահակյանը 3-ական միավորով բաժանում են 3-5-րդ հորիզոնականները։
Մեկօրյա հանգստից հետո այսօր կկայան 6-րդ տուրը։
Արդյունքներ
