Նորություններ Subheading
տեղադրվել է 2021.02.01 11:53
Հանդիպման մրցանակային ֆոնդը կազմելու է 2 մլն դոլար, հայտնում է ՖԻԴԵ-ն:
Շախմատի Աշխարհի չեմպիոնական թագի համար մրցամարտը կայանալու է նոյեմբերի 24-ից դեկտեմբերի 16-ը Դուբայում «Էքսպո» համաշխարհային ցուցահանդեսի ընթացքում:
Հանդիպման մրցանակային ֆոնդը կազմելու է 2 մլն դոլար, հայտնում է ՖԻԴԵ-ն:
«Ուրախ ենք, որ միավորել ենք մեր ջանքերը «Էքսպո-20-ի» հետ ու հրաշալի միջոցառում ենք անցկացնելու, որը կհետաքրքրի ոչ միայն շախմատի սիրահարներին: Առաջին չեմպիոնական մրցամարտից սկսած, որը կայացել է 1851 թվականին Լոնդոնում ու համաշխարհային ցուցահանդեսին կից է եղել, շախմատը խորհրդանշել է մարդկային մտքի առաջընթացն ու կատարելության ձգտումը»,- ասել է ՖԻԴԵ-ի նախագահ Արկադի Դվորկովիչը:
Աշխարհի գործող չեմպիոն Մագնուս Կարլսենի մրցակիցը դառնալու է հավակնորդների մրցաշարի հաղթողը: Այն մեկնարկել էր 2020-ի մարտին Եկատերինբուրդում, սակայն կորոնավիրուսի պատճառով այդպես էլ ավարտին չէր հասցվել: Մրցաշարը կվերսկսվի ապրիլին:
Կայացել են առաջին շրջանի բոլոր պարտիաները, առաջատարները Յան Նեպոմնյաշնին ու Մաքսիմ Վաշիե-Լագրավն են:
