Լևոն Բաբուջյանը և Մամիկոն Ղարիբյանը առաջին խմբի մրցաշարի առաջատարներն են

տեղադրվել է 2021.01.29 09:52

Կանանց մրցաշարում աղյուսակը գլխավորում են Աստղիկ Հակոբյանը և Արփինե Գրիգորյանը։

Հայաստանի տղամարդկանց և կանանց առաջին խմբի մրցաշարերում կայացան 6-րդ տուրի պարտիաները։ Տղամարդկանց մրցաշարի առաջատարներ Լևոն Բաբուջյանը և Մամիկոն Ղարիբյանը հերթական հաղթանակները տոնեցին, երկու պարտությունից հետո իր պարտիան հաղթանակով ավարտեց նաև մրցաշարում ամենաբարձր գործակից ունեցող Տիգրան Հարությունյանը, մրցաշարում առաջին հաղթանակը տոնեց նաև տղամարդկանց պայքարում հանդես եկող Աննա Սարգսյանը։ Տուրը հաղթական էր նաև Ալեն Երեմյանի համար։
6-րդ տուրից հետո աղյուսակը 5-ական միավորով գլխավորում են Լևոն Բաբուջյանը և Մամիկոն Ղարիբյանը։Դավիթ Շահինյանը 4 միավորով գտնվում է 3-րդ հորիզոնականում։
Արդյունքներ
Կանանց մրցաշարի առաջատար Աստղիկ Հակոբյանը 6-րդ տուրում իր պարտիան ավարտեց հաշտությամբ, որից օգտվեց Արփինե Գրիգորյանը, ով հաղթեց Աննա Խաչատրյանին և միավորներով հավասարվեց առաջատարին։ Տուրում հաղթանակներ գրանցեցին նաև Նարե Առաքելյանը և Վերոնիկա Խաչատրյանը։
6 տուրից հետո աղյուսակը 5-ական միավորով գլխավորում են Աստղիկ Հակոբյանը և Արփինե Գրիգորյանը։ Նարե Առաքելյանը և Վերոնիկա Խաչատրյանը 4,5-ական միավորով կիսում են 3-4-րդ հորիզոնականները։
Արդյունքներ
Մեկօրյա հանգստից հետո այսօր կկայանան մրցաշարերի 7-րդ տուրերի պարտիաները։

Նորությունների որոնում

Որոնման կարգավորումներ

select Նորություններ Հայաստանից

select Նորություններ արտերկրից

select Ներկայիս տարին

select Նախորդ տարին

Նորություններ Subheading

Նորությունների որոնում

Որոնման կարգավորումներ