Նորություններ Subheading

Օգոստոսի 21-ին մեկնարկում է շախմատի Օնլայն Օլիմպիադայի թոփ դիվիզիոնի խմբային փուլը։ Թոփ դիվիզիոնում ընդգրկված են 40 թիմեր, որոնք բաժանված են 4 խմբերի։ Խմբում առաջին տեղերը գրաված թիմերը իրավունք կստանան հանդես գալու 1/4 եզրափակչում, իսկ 2-րդ և 3-րդ հորիզոնականները զբաղեցրած թիմերը կանցկացնեն լրացուցիչ մրցախաղ՝ 1/4 եզրափակչի ուղեգիր նվաճելու համար։ 
Ըստ վիճակահանության՝ Հայաստանի հավաքականը հանդես կգա С խմբում, որտեղ նրա մրցակիցներն են Ռուսաստանի, Անգլիայի, Բուլղարիայի, Ռումինիայի, Մորոկկոյի, Ալժիրի․ Եգիպտոսի, Խորվաթիայի և Թուրքիայի թիմերը։ 
Խմբային փուլը կկայանա օգոստոսի 21-23-ը։
Խաղերը կմեկնարկեն Երևանի ժամով 18։00-ին։ 
Թիմերը բաղկացած են 6 հիմնական և 6 պահեստայիններից: Հիմնական կազմում պետք է լինեն 2 տղամարդ, 2 կին, 1 մինչև 20 տարեկան պատանի և 1 մինչև 20 տարեկան աղջիկ:
Թիմի ավագն է Արշակ Պետրոսյանը:
Օնլայն Օլիմպիադայի Հայաստանի հավաքականի կազմը՝
Տղամարդիկ՝ Լևոն Արոնյանը, Գաբրիել Սարգսյան: Պահեստայիններ՝ Հրանտ Մելքումյան, Սամվել Տեր-Սահակյան:
Մարզիչ՝ Արշակ Պետրոսյան:
Կանայք՝ Էլինա Դանիելյան, Լիլիթ Մկրտչյան:
Պահեստայիններ՝ Մարիա Գևորգյան, Սուսաննա Գաբոյան:
Մարզիչ՝ Զավեն Անդրիասյան
Մինչև 20 տարեկաններ ՝ Հայկ Մարտիրոսյան, Աննա Սարգսյան:
Պահեստայիններ՝ Արթուր Դավթյան, Մարիամ Ավետիսյան:
Մարզիչ՝ Արտաշես Մինասյան: