Արտաշես Մինասյան. «Արսեն Եղիազարյանը մեծ ավանդ ունի պատանի շախմատիստների հաղթանակներում»

տեղադրվել է 2020.04.20 04:54

Արսեն Եղիազարյանը հանդիսանում էր Հայաստանի լավագույն մարզիչներից մեկը:

Խոր ցավով տեղեկացա ՀՀ վաստակավոր մարզիչ, ՖԻԴԵ-ի ավագ մարզիչ, գրոսմայստեր Արսեն Եղիազարյանի անժամանակ մահվան մասին:

Արսեն Եղիազարյանը հանդիսանում էր Հայաստանի լավագույն մարզիչներից մեկը: Եղիազարյանը հաղթանակներ է ունեցել նաև որպես պրակտիկ շախմատիստ՝ «Երևան» ակումբի կազմում 1995 թվականին նվաճել է Եվրոպայի ակումբային գավաթը: 1994 և 1996 Հայաստանի հավաքականի կազմում մասնակցել է շախմատի համաշխարհային Օլիմպիադաներին:
Արսեն Եղիազարյանը մեծ ավանդ ունի հայ պատանի շախմատիստների հաջողությունների գործում, ովքեր հետագայում հասել են նշանակալի նվաճումների:
Արսեն Եղիազարյանը էական ներդրում է ունեցել Հայաստանի կանանց հավաքականի կայացման և հաղթանակների կերտման գործում:
Եղիազարյանի գլխավորած Հայաստանի կանանց հավաքականը 2003 թվականին հռչակվել է Եվրոպայի կանանց թիմային չեմպիոն, իսկ 2007 թվականին Եվրոպայի կանանց թիմային առաջնությունում նվաճել է բրոնզե մեդալ:
Անվանի շախմատիստի, հաղթանակներ կերտած մարզչի, գործընկերների հարգանքը և հարազատների սերը վայելող Արսեն Եղիազարյանի հիշատակը վառ կմնա մեր սրտերում:

Իմ խորին վշտակցությունը և զորակցությունն եմ հայտնում Արսեն Եղիազարյանի ընտանիքին, ընկերներին և շախմատային հանրությանը:

Արտաշես Մինասյան

Գրոսմայստեր, կրկնակի Օլիմպիական չեմպիոն
Հայաստանի պատանեկան հավաքական գլխավոր մարզիչ

Նորությունների որոնում

Որոնման կարգավորումներ

select Նորություններ Հայաստանից

select Նորություններ արտերկրից

select Ներկայիս տարին

select Նախորդ տարին

Նորություններ Subheading

Նորությունների որոնում

Որոնման կարգավորումներ