Նորություններ Subheading
տեղադրվել է 2020.02.20 10:10
Մրցաշարին մասնակցում են Գյումրին ներկայացնող 6 շախմատիստներ
Գյումրին ներկայացնոց շախմատիստները Գյումրու քույր քաղաք Կրագերոյից (Նորվեգիա) արդեն երկրորդ անգամ հրավեր են ստացել մասնակցելու Կրագերո Ռեզորտ Չեսս 2020 միջազգային մրցաշարին:
Մրցաշարին մասնակցելու համար Կրագերո են մեկնել միջազգային վարպետ Վահագն Խաչատրյանը, Եվրոպայի պատանիների կրկնակի չեմպիոն, ՖԻԴԵ-ի վարպետ Մամիկոն Ղարիբյանը, Անահիտ Մկրտչյանը, Սիմոն Թումանյանը, Հայկ Մանուկյանը, Սյուզաննա Առաքելյանը:
Մրցաշարն անցկացվում է երկու խմբերով: A մրցաշարին մասնակցում են Վահագն Խաչատրյանը, Մամիկոն Ղարիբյանը, Անահիտ Մկրտչյանը, Սիմոն Թումանյանը և Հայկ Մանուկյանը: Սյուզաննա Առաքելյանը իր ուժերն է փորձում B մրցաշարում:
Երեկ կայացել են մրցաշարի 1-ին և 2-րդ տուրերը։
A մրցաշարում հանդես եկող Մամիկոն Ղարիբյանը տոնել է 2 հաղթանակ և մրցաշարի առաջատարների շարքում է։ Վահագն Խաչատրյանը և Հայկ Մանուկյանը վաստակել են 1-ական միավոր, Սիմոն Թումանյանը՝ 0,5, իսկ Անահիտ Մկրտչյանը 2 պարտիաներում էլ պարտվել է։
B մրցաշարում հանդես եկող Սյուզաննա Առաքելյանը վաստակել է 1 միավոր։
