Նորություններ Subheading
տեղադրվել է 2020.10.06 11:46
Երեկ տեղի ունեցավ մրցաշարի առաջին տուրը։
Նորվեգիայում երեկ մեկնարկեց Altibox Norway Chess մրցաշարը, որը COVID-19 համաճարակի բռնկումից հետո առաջին խոշոր միջազգային ստուգատեսն է։ Մրցաշարին մասնակցում են 6 շախմատիստ՝ Լևոն Արոնյանը, Մագնուս Կարլսենը, Ֆաբիանո Կարուանան, Դուդա Յան Քշիշտոֆը, Ֆիրուզա Ալիռեզան և Տարի Արյանը։ Մրցաշարն անցկացվում է 2 շրջանով։ Համաձայն մրցաշարի կանոնների՝ հաղթանակի համար տրվում է 3 միավոր, իսկ ոչ-ոքի արդյունքի դեպքում նշանակվում է Արմագեդոն, որտեղ հաղթողին տրվում է 1,5 միավոր, իսկ պարտվողին՝ 1 միավոր։ Երեկ կայացավ մրցաշարի առաջին տուրը։ Լևոն Արոնյանի մրցակիցն էր աշխարհի չեմպիոն Մագնուս Կարլսենը։ Պարտիան ավարտվեց ոչ-ոքի արդյունքով և նշանակվեց Արմագեդոն, որում առավելության հասավ Կարլսենը։ Մյուս պարտիաներում Կարուանան Հաղթեց Տարի Արյանին, իսկ Ալիռեզան՝ Դուդային։Առաջին տուրից հետո Կարուանան և Ալիռեզան 3-ական միավորով գլխավորում են աղյուսակը, Կարսլենը 1,5 միավորով գտնվում է 3-րդ հորիզոնականում, Արոնյանը վաստակած 1 միավորով 4-րդ տեղում է։ Արյանը և Դուդան եզրափակում են աղյուսակը։
Արդյունքներ
