Նորություններ Subheading
տեղադրվել է 2020.10.16 10:49
Կարլսենը հաղթող է դարձել մրցաշարի ավարտից մեկ տուր առաջ
Երեկ տեղի ունեցավ Altibox Norway Chess մրցաշարի 9-րդ տուրը, որում մրցաշարի առաջատար Մագնուս Կարլսենը հաղթանակ տոնեց 2-րդ հորիզոնականում ընթացող Ֆիրուզա Ալիռեզայի նկատմամբ և մրցաշարի ավարտից մեկ տուր առաջ դարձավ մրցաշարի հաղթող։ 9 տուրից հետո Կարլսենն իր ակտիվում գրանցել է 19,5 միավոր, 2-րդ հորիզոնականում ընթացող Ֆիրուզան վաստակել է 15,5 միավոր, իսկ լավագույն եռյակը եզրափակում է 14,5 միավոր վաստակած Լևոն Արոնյանը։ Այսօր կկայանա մրցաշարի վերջին տուրը, որում Արոնյանը կմրցի Կարլսենի հետ։
Մրցաշարն անցկացվում է 2 շրջանով։ Համաձայն մրցաշարի կանոնների՝ հաղթանակի համար տրվում է 3 միավոր, իսկ ոչ-ոքի արդյունքի դեպքում նշանակվում է Արմագեդոն, որտեղ հաղթողին տրվում է 1,5 միավոր, իսկ պարտվողին՝ 1 միավոր։
