Նորություններ Subheading
տեղադրվել է 2020.01.15 09:57
Տեր-Սահակյանը 3 հնարավորից իր ակտիվում գրանցել է 2,5 միավոր
Երեկ տեղի ունեցավ Հայաստանի տղամարդկանց 2020 թվականի առաջնության 3-րդ տուրը։ Տուրի կենտրոնական պարտիայում Հայաստանի գործող չեմպիոն և մրցաշարի ընթացիկ առաջատար Արման Փաշիկյանը մրցում էր 2-րդ հորիզոնականում ընթացող Սամվել Տեր-Սահակյանի հետ։ Լարված ընթացք ունեցած պարտիայում սպիտակներով հանդես եկող Տեր-Սահակյանը կարևոր հաղթանակ տոնեց և սկսեց միանձնյա գլխավորել աղյուսակը։ Տուրի մյուս պարտիաներում Արամ Հակոբյանը հաղթեց Հայկ Մարտիրոսյանին, Արման Միքայելյանը առավելության հասավ Հովհաննես Գաբուզյանի նկատմամբ, իսկ Ռոբերտ Հովհաննիսյանը – Զավեն Անդրիասյանը և Մամիկոն Ղարիբյան – Շանթ Սարգսյան պարտիաներն ավարտվեցին հաշտությամբ։ 3-րդ տուրից հետո աղյուսակը 2,5 միավորով գլխավորում է Սամվել Տեր-Սահակյանը, Արման Փաշիկյանը 2 միավորով գտնվում է 2-րդ հորիզոնականում։ 6 շախմատիստ 1,5-ական միավորով կիսում են 3-8-րդ հորիզոնականները։
