Նորություններ Subheading

Տիգրան Պետրոսյանի անվան շախմատի տանը ավարտվեց Հայաստանի տղամարդկանց 2020 թվականի առաջնությունը: Հայաստանի 2020 թվականի չեմպիոն դարձավ 27-ամյա գրոսմայստեր Սամվել Տեր-Սահակյանը: Տեր-Սահակյանը Հայաստանի չեմպիոնի կոչման համար պայքարի էր դուրս եկել արդեն 13-րդ անգամ: Առաջին անգամ Տեր-Սահակյանը Հայաստանի առաջնության բարրագույն խմբի մրցաշարին մասնակցել էր 2007 թվականին: 2007 թվականին 14-ամյա Տեր-Սահակյանը գրավել էր 3-րդ հորիզոնականը:
Տեր-Սահակյանը նաև 9 կետով բարելավեց իր անհատական վարկանիշը: Տեր-Սահակյանի ընթացիկ վարկանիշը կազմում է 2640:
9 հնարավորից վաստակելով 5,5-ական միավոր՝ Հայկ Մարտիրոսյանը և Ռոբերտ Հովհաննիսյանը կիսեցին 2-3-րդ հորիզոնականները: Ավելի բարձր լրացուցիչ ցուցանիշների շնորհիվ փոխչեմպիոն դարձավ Մարտիրոսյանը, իսկ Հովհաննիսյանը նվաճեց արծաթե մեդալ: Արման Փաշիկյանը 5 միավորով գրավեց 4-րդ հորիզոնականը:
Հայաստանի առաջնությունում հաջող հանդես եկավ նաև առաջին անգամ Հայաստանի բարձրագույն խմբի մրցաշարին մասնակցող Մամիկոն Ղարիբյանը, ով վաստակեց 4,5 միավոր և գրավեց 5-րդ հորիզոնականը: Ղարիբյանը լրացրեց միջազգային վարպետի նորմա: Ղարիբյանը մրցաշարում հաղթեց չեմպիոն Սամվել Տեր-Սահակյանին, մեկ պարտություն կրեց և 7 պարտիա ավարտեց հաշտությամբ: Նշենք, որ 7 հաշտություններից առնվազն 4-ում Ղարիբյանը ուներ որոշիչ առավելություններ:
Եզրափակիչ աղյուսակ