Նորություններ Subheading
տեղադրվել է 2020.01.30 11:37
Մկրտչյանը լավագույն արդյունքն է ցույց տվել կանանց պայքարում:
Բելառուսում ավարտվեց <<Օրշա 2020>> բաց միջազգային մրցաշարը, որին մասնակցում էին 66 շախմատիստ։ Մրցաշարի մասնակիցների թվում էին նաև Հայաստանի 4 պատանի շախմատիստ։ Մեր մասնակիցներից հաջող հանդես եկավ պատանի շախմատիստուհի Մարիամ Մկրտչյանը, ով 9 հնարավորից վաստակեց 6 միավոր և կանանց հաշվարկում ցույց տվեց լավագույն արդյունքը։ Մկրտչյանը հավակնում էր նաև ընդհանուր հաշվարկում ամենաբարձր հորիզոնականներ գրավելուն, սակայն վերջին տուրում պարտվեց Բելառուսը ներկայացնող գրոսմայստեր Նիկիտա Մայորովին։ Մեր շախմատիստուհին նաև 79 կետով բարելավեց իր անհատական վարկանիշը։ Հաջող հանդես եկան նաև պատանի շախմատիստներ Արման Ղևոնդյանը, Արման Ասատրյանը և Վահե Գրիգորյանը, ովքեր զգալիորեն՝ համապատասխանաբար՝ 162, 80 և 70 կետերով բարելավեցին իրենց անհատական վարկանիշները։
Եզրափակիչ աղյուսակ
Հիմնական մրցաշարից հետո կայացավ կայծակնային մրցաշար, որտեղ Մարիամ Մկրտչյանը վաստակեց 6,5 միավոր և կանանց պայքարում կրկին գրավեց առաջին հորիզոնականը։
