Նորություններ Subheading
տեղադրվել է 2019.08.12 11:15
Արոնյանը տոնել է 4 հաղթանակ և 2 պարտիա ավարտել հաշտությամբ:
Սենթ Լուիսում մեկնարկած Grand Chess Tour-ի արագ շախմատի մրցաշարում հանգստյան օրերին կայացան նախատեսված 9 տուրերից 6-ը: Մրցաշարում հիանալի է հանդես գալիս հայկական շախմատի առաջատար Լևոն Արոնյանը: Մեր գրոսմայստերը հաղթանակ է տոնել աշխարհի չեմպիոն նորվեգացի Մագնուս Կարլենի, Ադրբեջանի առաջատար շախմատիստ Շահրիյար Մամեդյարովի, Ֆրանսիայի ուժեղագույն գրոսմայստեր Մաքսիմ Վաշիե-Լագրավի և աշխարհի նախկին փոխչեմպիոն Սերգեյ Կարյակինի նկատմամբ և ոչ-ոքի խաղացել Չինաստանի հավաքականի առաջատար Դին Լիժենի և ԱՄՆ ներկայացուցիչ Լենիեր Դոմինգեսի հետ: Համաձայն մրցաշարի կանոնադրության հաղթանակի համար տրվում է 2 միավոր, իսկ ոչ-ոքիի համար՝ 1:
Այսպիսով Արոնյանը վաստակել է 10 միավոր և գլխավորում է աղյուսակը: Երկրորդ հորիզոնականում է ընթանում Մաքսիմ Վաշիե-Լագրավը, իսկ Ֆաբիանո Կարուանան 8 միավորով եզրափակում է լավագույն եռյակը: Աշխարհի չեմպիոն Կարլսենը գտնվում է 7-րդ հորիզոնականում:
