Նորություններ Subheading
տեղադրվել է 2019.07.18 02:43
Հովհաննիսյանը առաջին հորիզոնական գրավեց նաև Բենասկեի կայծակնային մրցաշարում
Իսպանիայում ավարտված Վիլլա դե Բենասկե խոշոր միջազգային մրցաշարում, որին մասնակցում էին 28 երկրների 430 շախմատիստներ, այդ թվում՝ 34 գրոսմայստեր, հիանալի հաջողության հասավ Ռոբերտ Հովհաննիսյանը, ով 10 հնարավորից վաստակեց 8.5 միավոր և դարձավ մրցաշարի հաղթող: Նույնքան միավոր վաստակած Մատեուշ Բարթելը գրավեց 2-րդ հորիզոնականը: Մրցաշարին մասնակցող Սամվել Տեր-Սահակյանը վաստակեց 8 միավոր և կիսեց 3-8-րդ հորիզոնականները, իսկ լրացուցիչ ցուցանիշների հաշվարկից հետո զբաղեցրեց 4-րդ հորիզոնականը: Մրցաշարին մասնակցած Կարեն Մովսիսյանը վաստակեց 6.5 միավոր:
Եզրափակիչ աղյուսակ
Բենսակեյում անցկացվեց նաև կայծակնային շախմատի մրցաշար, որն ավարտվեց հայ շախմատիստների բացարձակ հաղթանակով: Ռոբերտ Հովհաննիսյանը 8 միավորով դարձավ մրցաշարի հաղթող, իսկ Սամվել Տեր-Սահակյանը և Կարոն Մովսիսյանը 7.5 միավորով գրավեցին համապատասխանաբար 2-րդ և 3-րդ հորիզոնականները:
Եզրափակիչ աղյուսակ
Հ. գ.
Բենասկեյից Երևան վերադառնալիս Ռոբերտ Հովհաննիսյանը կորցրել է իր անձնագիրը: Զավեշտալին այն է, որ հայ շախմատիստների համար կարծես ավանդույթ է դարձել Բենասկեի մրցաշարը հաղթելուց հետո կորցնել անձնագրերը: Նմանատիպ իրավիճակում է հայտնվել նաև 2011 թվականին Բենասկեի մրցաշարը հաղթելուց հետո Երևան վերադարձող Տիգրան Պետրոսյանը:
