Նորություններ Subheading
տեղադրվել է 2019.07.22 11:31
Եզրափակչում Դանիելյանը 15-13 հաշվով հաղթանակ տոնեց Վալենտինա Գունինայի նկատմամբ:
Ավարտվեց Chess.com կայքի կազմակերպած Women Speed Chess Championship մրցաշարը, որին մասնակցում էին 8 շախմատիստուհի: Մրցաշարի 7 մասնակիցները, համաձայն իրենց բարձր գործակցի, ընտրվել են կազմակերպիճների կողմից, իսկ 1 տեղի անցկացվեց որակավորման մրցաշար, որի հաղթող դարձավ Էլինա Դանիելյանը: Մրցաշարն անցկացվում է նոկաուտ համակարգով՝ պարտվողը դուրս է մնում պայքարից: Մրցախաղերը անցկացվում են հետևյալ ձևաչափով՝ մասնակիցները 90 րոպե խաղում են 5 րոպե + 1 վայրկյան ժամակարգով, այնուհետև 60 րոպե՝ 3 րոպե +1 վայրկյան ժամակարգով և վերջում 30 րոպե մասնակիցները խաղում են 1 + 1 ժամակարգով: 1/4 եզրափակչում Դանիելյանը հաղթանակ էր տոնել մրցաշարի բացարձակ ֆավորիտ, արագ շախմատի աշխարհի չեմպիոն և կանանց աշխարհի փոխչեմպիոն Եկատերինա Լահնոյի նկատմամբ: Կիսաեզրափակչում Դանիելյանը հաղթանակ էր Հնդկաստանի ներկայացուցիչ Հարիկա Դրոնավալիին:
Մրցաշարի եզրափակչում Դանիելյանի մրցակիցն էր կանանց Օլիմպիադայի եռակի չեմպիոն, Աշխարհի թիմային չեմպիոն, Եվրոպայի քառակի թիմային չեմպիոն, Եվրոպայի անհատական առաջնության եռակի չեմպիոն, 2012 թվականի աշխարհի և Եվրոպայի արագ շախմատի չեմպիոն Վալենտինա Գունինան:
Լարված ընթացք ունեցած մրցախաղում Դանիելյանը հաղթանակ տոնեց 15-13 հաշվով և դարձավ Women Speed Chess Championship-ի հաղթող: Մեր շախմատիստուհին նվաճեց տղամարդկանց Speed Chess Championship-ի, ինչպես նաև FIDE Grand Swiss մրցաշարի ուղեգիր:
