Տեղի ունեցավ Կարեն Ասրյանի հուշամրցաշարի 5-րդ տուրը

տեղադրվել է 2019.06.16 03:21

Աղյուսակը շարունակում են գլխավորել Հովիկ Հայրապետյանը և Վլադիմիր Օնիշչուկը:

Երեկ կայացավ Կարեն Ասրյանի հուշամրցաշարի 5-րդ տուրը, որում երկու առաջատարները՝ Հովիկ Հայրապետյանը և Վլադիմիր Օնիշչուկը մրցում էին միմյանց դեմ: Պարտիայում Արցախը ներկայացնող Հայրապետյանը ուներ որոշակի առավելություն, սակայն դա բավարար չեղավ հաղթանակի հասնելու համար և կողմերը հաշտություն կնքեցին: Առաջատարներից կեսական միավորով հետ մնացող Հայկ Մարտիրոսյանի և Շանթ Սարգսյանի պարտիան ավարտվեց հաշտությամբ: 5-րդ տուրում գրանցվեց մրցաշարի դեռևս ամենախոշոր անակնկալը՝ Գյումրին ներկայացնող 15-ամյա Մամիկոն Ղարիբյանը սև խաղաքարերով հաղթանակ տոնեց Աէրոֆլոտ Օփենի հաղթող Կայդո Կուլաոցի նկատմամբ: Տուրում կարևոր հաղթանակներ տոնեցին Զավեն Անդրիասյանը, Վահե Բաղդասարյանը, Արմեն Բարսեղյանը, Հայկ Դեր-Մանուելյանը, Տիգրան Քոթանջյանը, Արման Միքայելյանը և Արթուր Դավթյանը: Վերը նշված բոլոր շախմատիստները, ինչպես նաև Հայկ Մարտիրոսյանը և Շանթ Սարգսյանը մրցաշարի երկու առաջատարներից՝ Հովիկ Հայրապետյանին և Վլադիմիր Օնիշչուկին զիջում են կես միավորով: Այսօր կկայանա մրցաշարի 6-րդ տուրը: Տուրի կենտրոնական պարտիաներում միմյանց դեմ կմրցեն Հայկ Մարտիրոսյանը ու Վլադիմիր Օնիշչուկը և Զավեն Անրիասյանն ու Հովիկ Հայրապետյանը:
Մրցաշարի ֆոտոշարքը կարող եք դիտել մեր ֆեյսբուքյան էջում:
Մրացաշարի արդյունքներին կարող եք հետևել այստեղ:

Կարեն Ասրյանի անունը կրող միջազգային մրցաշարին այս տարի մասնակցում են 8 երկրների՝ Հայաստանի, Ամերիկայի Միացյալ Նահանգների, Գերմանիայի, Ռուսաստանի, Ուկրաինայի, Իրանի, Արաբական Միացյալ Էմիրությունների, Էստոնիայի, 95 շախմատիստներ:

Այս տարի որակական առումով մրցաշարը չափազանց ուժեղ կազմ ունի: Մասնակիցների թվում են 12 գրոսմայստեր, ինչի շնորհիվ մրցաշարի պատանի մասնակիցները հնարավորություն են ստացել լրացնելու գրոսմայստերի նորմա:

Կարեն Ասրյանը նորանկախ Հայաստանի ուժեղագույն շախմատիստներից մեկն էր: Նա ոսկյա տառերով է գրել իր անունը հայկական և համաշխարհային շախմատի պատմության մեջ: Շախմատային կարիերայի ընթացքում նվաճած տիտղոսների ոչ լրիվ ցանկը՝ Հայաստանի եռակի չեմպիոն, Հայաստանի ազգային հավաքականի կազմում Եվրոպայի և Համաշխարհային Օլիմպիադայի չեմպիոն:

Նորությունների որոնում

Որոնման կարգավորումներ

select Նորություններ Հայաստանից

select Նորություններ արտերկրից

select Ներկայիս տարին

select Նախորդ տարին

Նորություններ Subheading

Նորությունների որոնում

Որոնման կարգավորումներ