4 շախմատիստ գլխավորում է Կարեն Ասրյանի հուշամրցաշարի աղյուսակը

տեղադրվել է 2019.06.14 08:46

Առաջատարների են Վլադիմիր Օնիշչուկը, Վահե Վաղդասարյանը, Հովիկ Հայրապետյանը և Հայկ Վարդանյանը:

Երեկ տեղի ունեցավ Կարեն Ասրյանի հուշամրցաշարի 3-րդ տուրը: 2-րդ տուրից հետո առաջատարների շարքում գտնվող 17 շախմատիստներից միայն 4-ին՝ Վլադիմիր Օնիշչուկին, Վահե Վաղդասարյանին, Հովիկ Հայրապետյանին և Հայկ Վարդանյանին, հաջողվեց հաղթանակներ տոնել: Այսպիսով 3-րդ տուրից հետո հենց այս շախմատիստներն են 3-ական միավորով գլխավորում աղյուսակը: 14 շախմատիստ առաջատարներին զիջում են կեսական միավորով:
Մրցաշարի ֆոտոշարքը կարող եք դիտել մեր ֆեյսբուքյան էջում:
Մրացաշարի արդյունքներին կարող եք հետևել այստեղ:

Կարեն Ասրյանի անունը կրող միջազգային մրցաշարին այս տարի մասնակցում են 8 երկրների՝ Հայաստանի, Ամերիկայի Միացյալ Նահանգների, Գերմանիայի, Ռուսաստանի, Ուկրաինայի, Իրանի, Արաբական Միացյալ Էմիրությունների, Էստոնիայի, 95 շախմատիստներ:

Այս տարի որակական առումով մրցաշարը չափազանց ուժեղ կազմ ունի: Մասնակիցների թվում են 12 գրոսմայստեր, ինչի շնորհիվ մրցաշարի պատանի մասնակիցները հնարավորություն են ստացել լրացնելու գրոսմայստերի նորմա:

Կարեն Ասրյանը նորանկախ Հայաստանի ուժեղագույն շախմատիստներից մեկն էր: Նա ոսկյա տառերով է գրել իր անունը հայկական և համաշխարհային շախմատի պատմության մեջ: Շախմատային կարիերայի ընթացքում նվաճած տիտղոսների ոչ լրիվ ցանկը՝ Հայաստանի եռակի չեմպիոն, Հայաստանի ազգային հավաքականի կազմում Եվրոպայի և Համաշխարհային Օլիմպիադայի չեմպիոն:

Նորությունների որոնում

Որոնման կարգավորումներ

select Նորություններ Հայաստանից

select Նորություններ արտերկրից

select Ներկայիս տարին

select Նախորդ տարին

Նորություններ Subheading

Նորությունների որոնում

Որոնման կարգավորումներ