Նորություններ Subheading
տեղադրվել է 2019.05.04 07:14
Որևէ տեղ մշտական բնակության չեմ մեկնելու, որևէ պարգևից չեմ հրաժարվելու:
2019 թ. մայիսի 7-ին նշանակվել է մրցույթ Շենգավիթի շրջանում գտնվող լեգենդար գրոսմայստեր Ռաֆայել Վահանյանի շախմատի դպրոցի տնօրենի պաշտոնի համար, որին մասնակցելու իրավունք չունի ինքը՝ դպրոցի հիմնադիր եւ գործող տնօրեն Ռաֆայել Վահանյանը:
Մարզադպրոցի աշխատակիցները, բազմաթիվ շախմատիստներ, մտավորականներ, բաց նամակով դիմել են քաղաքապետ Հայկ Մարությանին: Նրանք խնդրում են կասեցնել մայիսի մրցույթը եւ օրենսդրական ճանապարհով լուծել խնդիրը:
Ըստ որոշ աղբյուրների, Ռաֆայել Վահանյանը կարող է հրաժարվել պետական պարգևներից, Երեւանի պատվավոր քաղաքացու կոչումից, շախմատի իր դպրոցից ու հեռանալ Հայաստանից:
Այս հարցերի վերաբերյալ աշխարահռչակ գրոսմայստերն ասաց հետևյալը.
—Ստեղծված իրավիճակն իհարկե հաճելիներից չէ: Եթե հարցը չվերաբերեր ինձ, կարող էի ավելի կոշտ գնահատական տալ: Սակայն դա երկրորդական է: Իսկ հիմա, պարզապես ուզում եմ ասել. ամեն մեկը կգտնի բավարար հիմնավորումներ իր կատարածն արդարացնելու համար, ճիշտ կամ սխալ, կարևոր չէ, մարդու էությունն է այդպիսին: Սակայն կան սկզբունքներ, որոնցից չեմ ուզում և չեմ կարող հրաժարվել. ամբողջ կյանքում ես եղել ու շարունակում եմ մնալ իմ ժողովրդի հետ: Ես նրա մի մասնիկն եմ, փոքր թե՞ մեծ՝ կգնահատի ժամանակը: Որևէ տեղ մշտական բնակության չեմ մեկնելու, որևէ պարգևից չեմ հրաժարվելու: ՀԱՅՐԵՆԻՔՆ ԻՆՁ ՀԱՄԱՐ ԲԱՑԱՐՁԱԿ ԱՐԺԵՔ Է: ՍԱ Է ԵԼԱԿԵՏԸ…
