Նորություններ Subheading
տեղադրվել է 2019.05.30 10:59
Մրցախաղն անցկացվում էր Chess.com կայքի կողմից կազմակերպված մրցաշարի շրջանակներում
Chess.com կայքը այս տարի առաջին անգամ կազմակերպում է Women Speed Chess Championship մրցաշարը, որին մասնակցում են 8 շախմատիստուհի: Մրցաշարի 7 մասնակիցներն համաձայն իրենց բարձր գործակցի ընտրվել են կազմակերպիճների կողմից, իսկ 1 տեղի անցկացվեց որակավորման մրցաշար, որի հաղթող դարձավ Էլինա Դանիելյանը: Համաձայն կանոնադրության Էլինա Դանիելյանի մրցակիցը դարձավ մրցաշարի ամենաբարձր վարկանիշ ունեցող, արագ շախմատի աշխարհի չեմպիոն և կանանց աշխարհի փոխչեմպիոն Եկատերինա Լահնոն: Մրցախաղերը անցկացվում են հետևյալ ձևաչափով՝ մասնակիցները 90 րոպե խաղում են 5 րոպե + 1 վայրկյան ժամակարգով, այնուհետև 60 րոպե՝ 3 րոպե +1 վայրկյան ժամակարգով և վերջում 30 րոպե մասնակիցները խաղում են 1 + 1 ժամակարգով: Մրցախաղն անցավ լարված և հավասար պայքարում: 5 +1 ժամակարգում Դանիելյանը հաղթեց 4.5 - 3.5 հաշվով: 3+1 ժամակարգում նույն հաշվով ուժեղ գտնվեց Լահնոն: 1 +1 ժակակարգում խաղացվեց 11 պարտիա: 10 պարտիայից հետո հաշիվը հավասար էր և վերջին գերլարված պարտիայում Դանիելյանը կարողացավ հաղթանակ տոնեց և նվաճել կիսաեզրափակչի ուղեգիր: Կիսաեզրափակչում Դանիելյանի մրցակիցն է լինելու Հարիկա Դրոնավալի - Մարի Սեբագ զույգի հաղթողը:
