Նորություններ Subheading
տեղադրվել է 2019.04.19 11:40
Պայքարը մրցանակային տեղերի և աշխարհի ու Եվրոպայի առաջնությունների ուղեգրերի համար սրվում է:
Հայաստանի շախմատի ակադեմիայում շարունակվում են Հայաստանի պատանիների և աղջիկների առաջնությունները: Մինչև 10 և մինչև 12 տարեկանների խմբերում կայացան 7-րդ , մինչև 14, 16 և տղաների 18 տարեկանների խմբերում՝ 5-րդ, իսկ աղջիկների մինչև 18 տարեկանների ենթախմբում՝ 6-րդ տուրը:
Մինչև 10 տարեկան աղջիկների մրցաշարում աղյուսակը 5.5-ական միավորով գլխավորում են Անահիտ Մկրտչյանը և Սոնա Կրկյաշարյանը:
Մինչև 10 տարեկան տղաների ենթախմբում աղյուսակը 6.5 միավորով միանձնյա գլխավորում է Գագիկ Նավոյանը, Ալբերտո Աթոյանը և Նարեկ Ղազարյանը 4.5-ական միավորով կիսում են 2-3-րդ հորիզոնականները:
Մինչև 12 տարեկան աղջիկների ենթախմբում առաջատարն է 7 հնարավորից 6 միավոր վաստակած Էմմա Մխիթարյանը: 3 շախմատիստուհի առաջատարին զիջում են 1 միավորով:
Մինչև 12 տարեկան տղաների մրցաշարում Ռոբերտ Փիլիպոսյանը 6.5 միավորով գտնվում է առաջին հորիզոնականում: 2-րդ հորիզոնականում գտնվող Դավիթ Ալեքսանյանը առաջատարին զիջում է 1 միավորով:
Մինչև 14 տարեկան աղջիկների մրցաշարի միանձնյա առաջատարն է Աստղիկ Հակոբյանը: Նարե Խալաֆյանը 3.5 միավորով գտնվում է 2-րդ տեղում:
Մինչև 14 տարեկան տղաների մրցաշարում Էրիկ Չաքրյսնաը և Ռոբերտ Մուրադյանը 3.5-ական միավորով կիսում են 1-2-րդ հորիզոնականները:
Մինչև 16 տարեկան աղջիկների մրցաշարի միանձնյա առաջատարն է Մարիամ Մկրտչյանը:
Մինչև 16 տարեկան տղաների ենթախմբի առաջատարը 4.5 միավոր վաստակած Մամիկոն Ղարիբյանը: Րաֆֆի Ղազարյանը և Արմեն Բարսեղյանը առաջատարին զիջում են մեկական միավորով:
Մինչև 18 տարեկան աղջիկների մրցաշարում աղյուսակը գլխավորում են Աննա Խաչատրյանը և Նազիկ Երեմյանը:
Մինչև 18 տարեկան տղաների մրցաշարի առաջատարն է Արթուր Դավթյանը, ով վաստակել է 5 միավոր, Տիգրան Սարգսյանը առաջատարին զիջում է կես միավորով և գտնվում է 2-րդ տեղում:
