Նորություններ Subheading
տեղադրվել է 2019.04.18 11:17
Մրցաշարերում արդեն ի հայտ են եկել առաջատարների խմբերը:
Հայաստանի շախմատի ակադեմիայում շարունակվում են Հայաստանի պատանիների և աղջիկների առաջնությունները: Մրցաշարերում արդեն ի հայտ են եկել առաջատարների խմբերը:
Մինչև 10 տարեկան աղջիկների մրցաշարում աղյուսակը 4.5-ական միավորով գլխավորում են Անահիտ Մկրտչյանը, Սոնա Կրկյաշարյանը և Սոնա Քոչարյանը:
Մինչև 10 տարեկան տղաների ենթախմբում աղյուսակը 5.5 միավորով միանձնյա գլխավորում է Գագիկ Նավոյանը, Ալբերտո Աթոյանը 4.5 միավորով գտնվում է 2-րդ հորիզոնականում:
Մինչև 12 տարեկան աղջիկների ենթախմբում առաջատարն է 6 հնարավորից 6 միավոր վաստակած Էմմա Մխիթարյանը: Թամար Գոգինյանը 4.5 միավորով 2-րդ տեղում է:
Մինչև 12 տարեկան տղաների մրցաշարում Ռոբերտ Փիլիպոսյանը 6 միավորով գտնվում է առաջին հորիզոնականում: 2-րդ հորիզոնականում գտնվող Դավիթ Ալեքսանյանը առաջատարին զիջում է 1.5 միավորով:
Մինչև 14 տարեկան աղջիկների մրցաշարի միանձնյա առաջատարն է Աստղիկ Հակոբյանը: 3 շախմատիստուհի առաջատարին զիջում են 1-ական միավորով:
Մինչև 14 տարեկան տղաների մրցաշարում Էրիկ Չաքրյսնաը և Արշակ Մելքոնյանը 3-ական միավորով կիսում են 1-2-րդ հորիզոնականները:
Մինչև 16 տարեկան աղջիկների մրցաշարի առաջատարներն են Մարիամ Մկրտչյանը և Սրբուհի Սարգսյանը:
Մինչև 16 տարեկան տղաների ենթախմբի առաջատարը 3.5 միավոր վաստակած Մամիկոն Ղարիբյանը: Րաֆֆի Ղազարյանը և Արմեն Բարսեղյանը առաջատարին զիջում են կեսական միավորով:
Մինչև 18 տարեկան աղջիկների մրցաշարում աղյուսակը միանձնյա գլխավորում է Աննա Խաչատրյանը: Նազիկ Երեմյանը 2.5 միավորով գտնվում է 2-րդ հորիզոնականում:
Մինչև 18 տարեկան տղաների մրցաշարի առաջատարն է Արթուր Դավթյանը, ով վաստակել է 4 միավոր, Տիգրան Սարգսյանը առաջատարին զիջում է կես միավորով և գտնվում է 2-րդ տեղում:
