Նորություններ Subheading
տեղադրվել է 2019.04.22 01:59
Աղյուսակը 2 միավորով գլխավորում է աշխարհի չեմպիոն Մագնուս Կարլսենը:
Ապրիլի 20-ին Գերմանիայում մեկնարկեց Գրենկե Չեսս Կլասիկ սուպերմրցաշար, որին մասնակցում են 10 շախմատիստ՝ հայկական շախմատի առաջատար Լևոն Արոնյանը, աշխարհի չեմպիոն Մագնուս Կարլսենը, աշխարհի փոխչեմպիոն Ֆաբիանո Կարուանան, աշխարհի նախկկին չեմպիոն Վիշվանաթան Անանդը, հանրահայտ գրոսմայստերներ Մաքսիմ Վաշիե-Լագրավը, Պյոտր Սվիդլերը, Արկադի Նայդիչը, Ֆրանսիսկո Վալեխոն, ինչպես նաև Գերմանիան ներկայացնող գրոսմայստեր Գեորգ Մեյերը և պատանի 14-ամյա միջազգային վարպետ Վինսենթ Կեյմերը: Մրցաշարի առաջին տուրում Արոնյանը ոչ-ոքի խաղաց Արկադի Նայդիչի հետ, իսկ 2-րդ տուրում միավորը կիսեց Գեորգ Մեյերի հետ: 2 տուրից հետո աղյուսակը գլխավորում է աշխարհի չեմպիոն Մագնուս Կարլսենը, ով իր երկու հանդիպումներն էլ ավարտել է հաղթանակով: Պյոտր Սվիդլերը և Վիշվանաթան Անանդը 1.5-ական միավորով կիսում են 2-3-րդ հորիզոնականները: Լևոն Արոնյանը 1 միավորով կիսում է 4-7-րդ հորիզոնականները: Այսօր տեղի կունենա 3-րդ տուրը:
Արդյունքներ
