Նորություններ Subheading
տեղադրվել է 2019.02.01 01:29
Փիլիպոսյանը 6 հնարավորից վաստակել է 5,5 միավոր:
Ռուսաստանում մեկնարկել է Մոսկվա Օփեն խոշոր միջազգային շախմատային փառատոնը, որի շրջանակներում անցկացվում են 15-ից ավել մրցաշարեր: Ընդհանուր առմամբ մրցաշարերին կմասնակցեն շուրջ 2000 շախմատիստներ: Փառատոնի A, B և C մրցաշարերի մասնակիցների թվում են Հայաստանի 17 պատվիրակ: Գլխավոր A մրցաշարին մասնակցում են 19 երկրների 198 շախմատիստ, այդ թվում 19 գրոսմայստեր: Այս մրցաշարում հանդես են գալիս Հայաստանի 6 պատվիրակ: 6-րդ տուրից հետո աղյուսակը 5.5 միավորով միանձնյա գլխավորում է միջազգային վարպետ Սերգեյ Խանինը: Հայաստանի ներկայացուցիչներից լավագույն արդյունքն ունի գրոսմայստեր Հովիկ Հայրապետյանը, ով իր ակտիվում ունի 4 միավոր:
Արդյունքներ A մրցաշար
B մրցաշարում, որում հանդես են գալիս միայն կանայք աղյուսակը 6 հնարավորից 6 միավորով գլխավորում է Եկատերին Գոլցևան: Հայաստանի ներկայացուցիչներից Սուսաննա Գաբոյանը վաստակել է 3, իսկ Աստղիկ Հակոբյանը՝ 2.5 միավոր:
Արդյունքներ B մրցաշար
C մրցաշարում Հայաստանի ներկայացուցիչ, պատանի շախմատիստ Ռոբերտ Փիլիպոսյանը 5.5 միավորով կիսում է 1-3-րդ հորիզոնականները, Վահագն Խաչատրյանը և Արթուր Ղարագյոզյանը առաջատարներից հետ են մնում կեսական միավորով:
Արդյունքներ C մրցաշար
