Նորություններ Subheading
տեղադրվել է 2019.02.04 09:51
Աշխարհի չեմպիոնը այս մասին նշել է Forbes ամսագրի սյունակում
Աշխարհի չեմպիոն Մագնուս Կարլսենը Forbes ամսագրի սյունակում ներկայացնում է իր մտքերը, թե ինչպես շախմատը կարող է օգնել հաղթահարել ժամանակակից աշխարհի մարտահրավերները:
Մագնուս Կարլսենը 28 տարեկան է, 2013 թվականից նա հանդիսանում է շախմատի աշխարհի չեմպիոն: 2018 թվականի աշնանը Կարլսենը հերթական անգամ պաշտպանեց աշխարհի չեմպիոն տիտղոսը, որի համար ստացավ 600 000 €: Տարեկան Կարլսենը միայն գովազդով վաստակում է 2 միլիոն դոլար: 2019 թվականին Կարլսենը 5-րդ անգամ հաղթող դարձավ Վեյկ ան Զեե մրցաշարում: Աշխարհի չեմպիոնը մրցաշարից հետո Forbes-ի համար հոդված հեղինակեց, որում նշեց, թե ինչու է կարևոր թվային դարաշրջանում երեխաներին շախմատ խաղալ և ինչպես զարգացնել շախմատը:
2018 թվականի նոյեմբերի 28-ին ես 4-րդ անգամ պաշտպանեցի աշխարհի չեմպիոնը տիտղոսը: Մեծ դժվարությամբ ես պաշտպանեցի աշխարհի առաջատար շախմատիստի դիրքը:
Թոփ մակարդակում շախմատը միաժամանակ և օգտակար է, և բավականին պահանջկոտ: Իմ գլխում միշտ շախմատային դիրքեր են՝ սա միակ տարբերակն է մշտապես զարգանալու և սովորելու: Բայց դա էլ բավական չէ: Մրցաշարերի ընթացքում պետք է գտնել վերլուծողական մտածելակերպի և ստեղծագործական էներգիայի ճիշտ համադրություն: Երբ դա ստացվում է, ապա այն ինձ շատ բնական է թվում: Այդպիսի պահերին ես նույնիսկ չեմ պատկերացնում, որ կարող եմ պարտվել:
Վերջին տարիներին ես շարունակ պարապում եմ և սովորում, բայց պայքարը և խաղին հասկացողության աճած չափորոշիչները կարող են հիասթափեցնել: Շատ հաճախ ես երկար մտորումներից հետո կատարում եմ քայլ և հենց բաց եմ թողնում խաղաքարը, հասկանում եմ, որ մտահաղացումը սխալ էր: Շատ դժվար է սա փոփոխել: Հնարավոր չէ չհավատալ ինքդ քեզ յուրաքանչյուր քայլից առաջ:
Վստահությունը քո ուժերին և կարողությունը այդ վստահությունը հասցնել հակառակորդին կարևորագույն պայմանն է բարձրագույն մակարդակում խնդիրների լուծելու համար:
Պատանի տարիքից շախմատը բարելավել է իմ կենտրոնանալու և որոշումներ կայացնելու ունակությունը: Շախմատը ստիպել է ինձ հանգիստ նստել, գիտակցաբար մտածել, լինել համառ և վերլուծել տարբերակները բավականին երկար ժամանակ՝ առանց Գուգլում այն որոնելու: Ես սովորեցի հաղթահարել հիասթափությունը, ձևավորել մարտավարություններ, հասկանալ խնդրի ամբողջ դժվարությունը և նույնիսկ դիմակայել պարտությանը:
Շախմատի կրթական առավելությունները կարող են օգտագործվել ոչ միայն գրոսմայստերների կողմից: Կարծում եմ, շախմատը կարող է դիմագրավել այն բազմաթիվ մարտահրավերներին, որոնց մենք այսօր բախվում ենք. ցրվածություն, անվճռականություն, տոկունության և կարգապահության բացակայություն, որոնք առաջանում համակարգչի առջև շատ ժամանակ անցկացնելու պատճառներով: Ժամանակակից տեխնոլոգիաները անշրջելիորեն փոխել են մեր կյանքը, կրթությունը և շախմատը: Ժամանակակից երեխաները սեր ունեն արագ, իրադարձություններով լի զվարճանքներին և հաճախ թվում է, որ մենք անզորությամբ հետևում ենք, թե ինչպես է տուժում նրանց համբերությունը և քննադատական մտածողությունը:
Սրանք բարդ խնդիրներ են, բայց կարծում եմ, որ մենք կարող ենք լուծել հնագույն դեղամիջողի օգնությամբ՝ երկգույնանի շախմատի տախտակ և 32 խաղաքարեր:
Մի շարք հետազոտություններ ցույց են տալիս, որ շախմատով զբաղվելը խթանում է մաթեմատիկայում և բնական գիտություններում երեխաների առաջխաղացմանը, ինչպես նաև բարելավում է լեզվական գիտելիքները, հիշողությունը և որոշումներ կայացնելու կարողությունը: Այս ամենը շատ արժեքավոր հատկանիշներ են, որոնք դառնում են հազվադեպ աշխատաշուկայում: 2013 թվականին Դանիայում կատարեցին մի փորձարկում. մաթեմատիկայի դասաժամերը փոխարինեցին շախմատով և արդյունքում երեխաները սկսեցին ավելի բարձր արդյունքներ ցույց տալ մաթեմատիկա առարկայից:
Սյունակն ամբողջությամբ կարող եք կարդալ այստեղ:
