Նորություններ Subheading
տեղադրվել է 2019.02.05 09:28
Մրցաշարին մասնակցում են 10 թիմեր:
Մարտի 4-15-ը Ղազախստանի մայրաքաղաք Աստանայում տեղի կունենան տղամարդկանց և կանանց աշխարհի թիմային առաջնությունները: Մրցաշարերին մասնակցում են 10 թիմեր:
Համաձայն ՖԻԴԵ-ի կանոնանդրության մրցաշարի մասնակիցները ձևավորվում են հետևյալ կերպ.
Աշխարհի գործող չեմպիոնը
Աշխարհամասերի 4 չեմպիոնները
3 թիմ շախմատի Օլիմպիադային
1 թիմ կազմակերպիչ ֆեդերացիայի կողմից
1 թիմ ՖԻԴԵ-ի նախագահի հրավերով
Տղամարդկանց մրցաշարում աշխարհի գործող չեմպիոնն է Չինաստանը: ԱՄՆ-ի, Ադրբեջանի, Իրանի և Եգիպտոսի հավաքականները մասնակցում են որպես աշխարհամասային չեմպիոններ: Ռուսաստանը, Լեհաստանը և Անգլիան իրավունքը նվաճել են Օլիմպիադայում զբաղեցրած հորիզոնականներով: Ղազախստանը կմասնակցի առաջնությանը որպես կազմակերպիչ ֆեդերացիա: ՖԻԴԵ-ի նախագահը մասնակցության իրավունք է տվել Հնդկաստանի ընտրանուն. հրավերի համար հիմք է հանդիսացել Հնդկաստանի հավաքականի Օլիմպիադայում զբաղեցրած տեղը:
Նույն կարգն է կիրառվել նաև կանանց առաջնությունում: Մրցաշարին Հայաստանի կանանց հավաքականը մասնակցում է Օլիմպիադայում զբաղեցրած բարձր հորիզոնականով:
