Նորություններ Subheading
տեղադրվել է 2019.02.22 09:41
Մրցաշարին մասնակցում են Գյումրին ներկայացնող 6 շախմատիստներ
Ինչպես արդեն տեղեկացրել էինք Գյումրին ներկայացնող պատանի շախմատիստները Գյումրու քույր քաղաք Նորվեգիայի Կրագերո քաղաքից հրավեր են ստացել մասնակցելու Կրագերո Ռեզորտ Չեսս 2019 միջազգային մրցաշարին:
Մրցաշարին մասնակցելու համար Կրագերո են մեկնել միջազգային վարպետ Վահագն Խաչատրյանը, Եվրոպայի պատանիների կրկնակի չեմպիոն, ՖԻԴԵ-ի վարպետ Մամիկոն Ղարիբյանը, Անահիտ Մկրտչյանը, Սիմոն Թումանյանը, Հայկ Մանուկյանը, Մարիետա Խաչատրյանը:
Մրցաշարն անցկացվում է երկու խմբերով: A մրցաշարին մասնակցում են Վահագն Խաչատրյանը, Մամիկոն Ղարիբյանը, Անահիտ Մկրտչյանը և Մարիետտա Խաչատրյանը: Սիմոն Թումանյանը և Հայկ Մանուկյանը իրենց ուժերն են փորձում B մրցաշարում:
Կայացած 3 տուրերից հետո A մրցաշարում հանդես եկող Վահագն Խաչատրյանը, Մամիկոն Ղարիբյանը և Անահիտ Մկրտչյանը վաստակել են 1.5-ական միավոր, իսկ Մարիետտա Խաչատարյանը՝ կես միավոր:
Արդյունքներ
ՈՒՂԻՂ ՄԻԱՑՈՒՄ
B մրցաշարում Սիմոն Թումանյանն իր ակտիվում գրանցել 2.5 միավոր և կես միավոր է զիջում առաջատարներին, իսկ Հայկ Մանուկյանն ունի 2 միավոր:
