Նորություններ Subheading
տեղադրվել է 2019.02.21 09:44
ՀՇՖ-ն ջերմորեն շնորհավորում է Հ. Թավադյանին՝ մաղթելով քաջառողջություն և նորանոր ձեռքբերումներ:
Այսօր Հայաստանի շախմատի ֆեդերացիայի գործադիր տնօրեն, «Հայրենիքին մատուցած ծառայությունների համար» առաջին աստիճանի մեդալի շքանշանակիր Հրաչիկ Թավադյանի ծննդյան օրն է:
Հայաստանի շախմատի ֆեդերացիան ջերմորեն շնորհավորում է Հրաչիկ Թավադյանին՝ ցանկանալով քաջառողջություն և նորանոր ձեռքբերումներ, որոնք կլինեն ի շահ Հայաստանում շախմատի հանրահռչակմանը և զարգացմանը:
Հրաչիկ Թավադյանը ծնվել է 1958 թվականի փետրվարի 21-ին:
1979 թվականին արժանացել է ԽՍՀՄ սպորտի վարպետի կոչման:
1982 թվականին դարձել է Հայաստանի չեմպիոն, իսկ 1983 թվականին՝«Դինամո» ԿՄԸ-ի չեմպիոն:
1987 թվականին Հ. Թավադյանին շնորհվել է «ՀՀ վաստակավոր մարզիչ» պատվավոր կոչում:
1991 թվականի եղել է ԽՍՀՄ գավաթի խաղարկությունում երկրորդ հորիզոնականը զբաղեցրած Հայաստանի հավաքականի մարզիչը:
1995 թվականից Տիգրան Պետրոսյանի անվան շախմատի տան տնօրենն է: 2004 թվականից հանդիսանում է Հայաստանի շախմատի ֆեդերացիայի գործադիր տնօրեն:
Բազմաթիվ միջազգային կարևորգույն մրցաշարեր անթերի և բարձր մակարդակով կազմակերպելու համար 2007 թվականին ՖԻԴԵ-ն շնորհել է «ՖԻԴԵ-ի միջազգային կազմակերպիչ» կոչումը:
2013 թվականից ՀՇՖ մարզչական (մանկապատանեկան) խորհրդի նախագահն է:
Պարգևներ
2008 թվականին Հայաստանի Հանրապետությունում շախմատի զարգացման գործում ներդրած նշանակալի ավանդի համար պարգևատրվել է «Հայրենիքին մատուցած ծառայությունների համար» 2-րդ աստիճանի մեդալով:
2008 թվական - ՀՀ ՊՆ «Գարեգին Նժդեհ» մեդալ:
2012 թվականին Ստամբուլում տեղի ունեցած շախմատի համաշխարհային օլիմպիադայում Հայաստանի շախմատի տղամարդկանց հավաքական թիմի տարած փայլուն հաղթանակին մեծապես նպաստելու, ինչպես նաև Հայաստանի Հանրապետությունում շախմատի զարգացումը խթանելու համար պարգևատրվել է «Հայրենիքին մատուցած ծառայությունների համար» 1-ին աստիճանի մեդալով:
