տեղադրվել է 2019.10.02 11:59
Աննա Սարգսյանը լավագույն արդյունքը ցույց տվեց կանանց պայքարում:
Վրաստանի մայրաքաղաք Թբիլիսիում ավարտվեց Նոնա Գափրինդաշվիլու Գավաթի խաղարկությունը, որի շրջանակներում անցկացվեցին 3 մրցաշարեր:Գավաթի խաղարկության 3 մրցաշարերին մասնակցում էին Հայաստանի 37 պատվիրակ: Գլխավոր մրցաշարում հաղթող դարձավ գրոսմայստեր Տիգրան Հարությունյանը, ով 9 հնարավորից վաստակեց 7 միավոր: 6.5 միավորով երկրորդ հորիզոնականը զբաղեցրեց գրոսմայստեր Հովիկ Հայրապետյանը: Մրցաշարում հիանալի ելույթ ունեցավ նաև կանանց հավաքականի անդամ Աննա Սարգսյանը, ով վաստակեց 6 միավոր և կանանց հաշվարկում գրավեց 1-ին հորիզոնականը: Ընդհանուր հաշվարկում Սարգսյանը կիսել էր 4-րդ հորիզոնականը: Մրցաշարում Սարգսյանը լրացրեց տղամարդկանց միջազգային վարպետի նորմա և 70 կետով բարելավեց իր անհատական վարկանիշը:
Եզրափակիչ աղյուսակ
B մրցաշարում Էդուարդ Սայադյանը և Արշակ Մելքոնյանը վաստակեցին 7.5-ական միավոր և կիսեցին 1-2-րդ հորիզոնականները: Լրացուցիչ ցուցանիշների հաշվարկից հետո մրցաշարի հաղթող դարձավ Սայադյանը, իսկ Մելքոնյանը գրավեց 2-րդ հորիզոնականը:
Եզրափակիչ աղյուսակ
C մրցաշարում մեր մասնակիցներից լավագույն արդյունքը գրանեց Միքայել Սարգսյանը, ով 6.5 միավորով գրավեց 6-րդ հորիզոնականը:
Եզրափակիչ աղյուսակ