Նորություններ Subheading

  1. Գլխավոր
  2. Նորություններ
  3. Հայաստանի հավաքականները ոչ-ոքի խաղացին ԵԱ 4-րդ տուրում
Հայաստանի հավաքականները ոչ-ոքի խաղացին ԵԱ 4-րդ տուրում

տեղադրվել է 2019.10.28 11:51

iՀայաստանի հավաքականները ոչ-ոքի խաղացին ԵԱ 4-րդ տուրում

Տղամարդկանց թիմը ոչ-ոքի խաղաց Ուկրաինայի հետ, կանայք՝ Իսպանիայի:

Եվրոպայի թիմային առաջնություններում տեղի ունեցան 4-րդ տուրի պարտիաները: Տղամարդկանց հավաքականը ոչ-ոքի խաղաց Ուկրաինայի հետ: Լևոն Արոնյանը և Գաբրիել Սարգսյանն իրենց պարտիաններն ավարտեցին հաշտությամբ, Հայկ Մարտիրոսյանը պարտություն կրեց Վլադիմիր Օնիշչուկից, իսկ Հրանտ Մելքումյանը հաղթեց Ալեքսանդր Մոիսեենկոյին: 
4-րդ տուրից հետո Հայաստանի հավաքականը վաստակել է 7 միավոր և կիսում է 1-4-րդ հորիզոնականները: Այսօր կայանալիք 5-րդ տուրում մեր մրցակիցն է լինելու Ռուսաստանի հավաքականը:
Կանանց հավաքականը 2-2 ոչ-ոքի խաղաց Իսպանիայի հետ: Մեր թիմի կազմում Աննա Սարգսյանը հաղթանակ տոնեց: Էլինա Դանիելյանը, ունենալով որոշիչ առավելություն, կոպիտ վրիպեց և պարտվեց: Որոշիչ առավելություն ուներ նաև Լիլիթ Մկրտչյանը, սակայն չկարողացավ իրացնել առավելությունը և պարտիան ավարտվեց հաշտությամբ: Հաշտություն կնքեց նաև Սիրանուշ Ղուկասյանը: 4-րդ տուրից հետո մեր թիմը 6  միավորով կիսում է 3-8-րդ հորիզոնականները:
Այսօր կայանալիք 5-րդ տուրում մեր մրցակիցն է լինելու Վրաստանի հավաքականը:
Արդյունքներ (տղամարդիկ)
Արդյունքներ (կանայք)

Նորությունների որոնում

Որոնման կարգավորումներ