Նորություններ Subheading
տեղադրվել է 2019.01.12 11:41
Հունվարի 11-ին տեղի ունեցավ վիճակահանությունը, իսկ առաջին տուրը կմեկնարկի հունվարի 12-ին:
Տիգրան Պետրոսյանի անվան շախմատի տանը կայացավ տղամարդկանց ազգային 79-րդ և կանանց 74-րդ առաջնության վիճակահանությունը: Առաջնություններին մասնակցում են 10-ական շախմատիստ, տղամարդկանց մրցաշարն ունի 14-րդ կարգ, միջին վարկանիշը 2577 է: Տղամարդկանց մրցաշարում սահմանված է գրոսմայստերի նորմա: Չեմպիոններն իրավունք են ստանալու հանդես գալ Հայաստանի հավաքականների կազմերում, 1-3-րդ տեղերը գրավածները՝ հաջորդ տարվա առաջնությունում, իսկ տղամարդկանց 1-5-րդը՝ Եվրոպայի անհատական առաջնությունում:
Վիճակահանությունից առաջ Հայաստանի շախմատի ֆեդերացիայի նախագահի առաջին տեղակալ Սմբատ Լպուտյանը նշեց, որ անկասկախ Հայաստանի առաջնությունները մեծ հետաքրքրություն են առաջացրել ոչ միայն Հայաստանում այլ նաև ամբողջ աշխարհում, քանի որ աշխարհում միայն մի քանի երկներ ունեն այսպիսի հզոր կազմով առաջնություն:
«Շախմատի Հայաստանի տղամարդկանց և կանանց առաջնությունները շատ գրավիչ են դարձել ոչ միայն մեր երկրի, այլևս ամբողջ աշխարհի համար, քանի որ շատ հավասար կազմ ենք հավաքում: Միշտ էլ դժվար է կանխագուշակել, թե ով կհաղթի առաջնությունում»,-մասնավորաօես նշեց:Լպուտյանը: Նա նաև բոլոր մասնակիցներին հաջողություն մաղթեց։
Տղամարդկանց առաջնության անդրանիկ տուրում միմյանց դեմ կմրցեն Արման Փաշիկյան-Հայկ Մարտիրոսյան, Զավեն Անդրիասյան-Տիգրան Հարությունյան, Շանթ Սարգսյան-Տիգրան Պետրոսյան, Ռոբերտ Հովհաննիսյան-Սամվել Տեր Սահակյան և Մանուէլ Պետրոսյան-Արամ Հակոբյան զույգերը:
Կանանց մրցաշարի մեկնարկում ձևավորվեցին հետևյալ զույգերը` Անահիտ Մկրտչյան-Մարիամ Մկրտչյան, Աստղիկ Հակոբյան-Մարիա Գևորգյան, Սուսաննա Գաբոյան-Մարիա Կուրսովա, Արփինե Գրիգորյան-Աննա Խաչատրյան, Սիրանուշ Ղուկասյան-Մարիամ Ավետիսյան:
Լուսանկարը` Մեդիամաքս
