Նորություններ Subheading
տեղադրվել է 2019.01.13 01:28
Անդրանիկ տուրն անցավ լարված պայքարում:
Տիգրան Պետրոսյանի անվան շախմատի տանը երեկ տեղի ունեցան Հայաստանի կանանց և տղամարդկանց առաջնությունների առաջին տուրի պարտիաները: Երկու մրցաշարի հենց մեկնարկը ցույց տվեց, որ մասնակիցները տրամադրված են մարտական և չեմպիոնի կոչման համար ընթանալու է անզիջում և լարված: Տղամարդկան առաջնության առաջին տուրը հաջող ստացվեց ավելի փորձառու շախմատիստնեի համար. մասնավորապես՝ կենտրոնական պարտիայում Արման Փաշիկյանը սպիտակ խաղաքարերով առավելության հասավ գործող չեմպիոն 19-ամյա Հայկ Մարտիրոսյանի նկատմամբ, Տիգրան Լևոնի Պետրոյանը կարճատև պայքարից հետո պարտության մատնեց 17-ամյա Շանթ Սարգսյանին, իսկ Զավեն Անդրիասյանն ուժեղ գտնվեց Տիգրան Հարությունյանից: Իր պարտաին հաղթանակով ավարտեց նաև Ռոբերտ Հովհաննիսյանը. նրա մրցակիցն էր Սամվել Տեր-Սահակյանը: Տուրի միակ ոչ-ոքի գրանցվեց Մանուէլ Պետրոսյան - Արամ Հակոբյան պարտիայում:
Արդյունքներ
Կանանց մրցաշարում միակ ոչ-ոքին գրանցվեց տուրի կենտրոնական պարտիայում, որում գործող չեմպիոն Մարիա Կուրսովան չկարողացավ հաղթանակի հասնել Սուսաննա Գաբոյանի նկատմամբ: Տուրում հաղթանակներ տոնեց չեմպիոնության մյուս երկու հավակնորդները՝ Մարիա Գևորգյանը և Սիրանուշ Ղուկասյանը. նրանք համապատասխանաբար ուժեղ գտնվեցին Աստղիկ Հակոբյանից և Մարիամ Ավետիսյանից: Մեկնարկային տուրում հաղթանակներ տոնեցին նաև Անահիտ Մկրտչյանը և Աննա Խաչատրյանը:
Արդյունքներ
Լուսանկարը՝ Արմենպրես
