Նորություններ Subheading
տեղադրվել է 2019.01.19 12:24
Առաջատարներն անփոփոխ են:
Ավարտին են մոտենում Հայաստանի տղամարդկանց և կանանց 2019 թվականի առաջնությունները: Երեկ տեղի ունեցան մրցաշարերի 7-րդ տուրի պարտիաները: Տղամարդկանց առաջնության կենտրոնական պարտիայում առաջատար Արման Փաշիկյանը սև խաղաքարերով ոչ-ոքի խաղաց 2-րդ հորիզոնականում ընթացող Սամվել Տեր-Սահակյանի հետ: 7-րդ տուրում կարևոր հաղթանակ տոնեց Տիգրան Պետրոսյանը: Մրցաշարում առաջին հաղթանակը գրանցեց Շանթ Սարգսյանը: Արամ Հակոբյանը - Զավեն Անդրիասյանը և Ռոբերտ Հովհաննիսյանը - Հայկ Մարտիրոսյան պարտաիներն ավարտվեցին հաշտությամբ:
Մրցաշարի ավարտից երկու տուր առաջ Արման Փաշիկյանը վաստակել է 5.5 միավոր և 1.5 միավորով առաջ անցել 2-4-րդ հորիզոնականներում գտնվող Տիգրան Պետրոսյանից, Սամվել Տեր-Սահակյանից և Ռոբերտ Հովհաննիսյանից:
Այսօր կայանալիք 8-րդ տուրի կենտրոնական պարտիայում Արման Փաշիկյանը կմրցի Տիգրան Պետրոսյանի հետ:
Կանանց մրցաշարի 7-րդ տուրում առաջատար Մարիա Գևորգյանը մրցակից չուներ: Գևորգյանի մոտակա հետապնդող Սիրանուշ Ղուկասյանը պարտվեց 3-րդ հորիզոնականում գտնվող Սուսաննա Գաբոյանին: Մարիամ Մկրտչյանը հաղթեց Արփինե Գրիգորյանին, իսկ Աննա Խաչատրյանը՝ Անահիտ Մկրտչյանին: Մարիամ Ավետիսյանը ոչ-ոքի խաղաց Աստղիկ Հակոբյանի հետ:
7-րդ տուրից հետո Մարիա Գևորգյանը 5.5 միավորով գլխավորում է աղյուսակը: Սիրանուշ Ղուկասյանը և Սուսաննա Գաբոյանը 4-ական միավորով կիսում են 2-3-րդ հորիզոնականները:
