Արման Փաշիկյանը ստանձնեց տղամարդկանց առաջնության առաջատարի դերը

տեղադրվել է 2019.01.16 09:42

Զավեն Անդրիասյանը և Տիգրան Պետրոսյանը առաջատարին զիջում են 1-ական միավոր

Տեղի ունեցավ Հայաստանի տղամարդկանց առաջնության 4-րդ տուրը: Տուրի մեկնարկից առաջ մրցաշարի գլխավոր մրցավար Աշոտ Վարդապետյանը ծննդյան օրվա առթիվ շնորավորեց պատանի շախմատիստ Տիգրան Հարությունյանին: 4-րդ տուրում մրցաշարի երկու առաջատարներից Արման Փաշիկյանը կարևոր հաղթանակ տոնեց Ռոբերտ Հովհաննիսյանի նկատամամբ: Մյուս առաջատար Տիգրան Պետրոսյանը պարտվեց Արամ Հակոբյանին: 3-րդ հորիզոնականում ընթացող Զավեն Անդրիասյանը ոչ-ոքի խաղաց Շանթ Սարգսյանի հետ: Հաշտությամբ ավարտվեցին նաև Մանուէլ Պետրոսյան - Տիգրան Հարությունյան և Հայկ Մարտիրոսյան - Սամվել Տեր-Սահակյան պարտիաները:
4-րդ տուրից հետո աղյուսակը սկսեց միանձնյա գլխավորել Արման Փաշիկյանը, ով մոտակա հետապնդողներ Զավեն Անդրիասյանը և Տիգրան Պետրոսյանից արդեն առաջ է անցել 1 միավորով: Արամ Հակոբյանը, Սամվել Տեր-Սահակյանը և Հայկ Մարտիրոսյանը 2-ական միավորով կիսում են 4-6-րդ հորիզոնականները: Մանուէլ Պետրոսյանը, Ռոբերտ Հովհաննիսյանը և Տիգրան Հարությունյանը 1.5-ական միավորով 7-9-րդ հորիզոնականներում են, իսկ Շանթ Սարգսյանը 1 միավորով եզրափակում է աղյուսակ:
Այսօր տեղի կունենա 5-րդ տուրը:

Լուսանկարը՝ ՄԵԴԻԱՄԱՔՍ

Նորությունների որոնում

Որոնման կարգավորումներ

select Նորություններ Հայաստանից

select Նորություններ արտերկրից

select Ներկայիս տարին

select Նախորդ տարին

Նորություններ Subheading

Նորությունների որոնում

Որոնման կարգավորումներ