Նորություններ Subheading

Տիգրան Պետրոսյանի անվան շախմատի տանն ավարտվեց Աշոտ Անաստասյանի հիշատակին նվիրված արագ շախմատի Հայաստանի 2019 թ. առաջնությունը: Մրցաշարին մասնակցեցին այս պահին Հայաստանում գտնվող մեր բոլոր ուժեղագույն շախմատիստները: Մրցաշարի մասնակիցների թվում էին 15 գրոսմայստեր և 11 միջազգային վարպետ:Ընդհանուր առմամբ 65 մասնակիցներից 39 կրում էին միջազգային կոչումներ: Աշոտ Անաստասյանի հուշամրցաշարում փայլուն ելույթ ունեցան Աշոտ Անաստասյանի սաները. 9 հնարավորից վաստակելով 7.5 միավորով՝ մրցաշարի հաղթող դարձավ Հայկ Մարտիրոսյանը:

Հայկ Մարտիրոսյանը պարգևատրվում է հաղթողի գավաթով:

9 հնարավորից վաստակելով 7 միավոր՝ երկրորդ հորիզոնականը զբաղեցրեց Շանթ Սարգսյանը:

Շանթ Սարգսյանը

6.5 միավորով  Արամ Հակոբյանը դարձավ երրորդը:

Մրցաշարում հիանալի հանդես եկավ Աշոտ Անաստասյանի ևս մեկ սան՝ 15-ամյա ՖԻԴԵ-ի վարպետ Մամիկոն Ղարիբյանը, ով 6.5 միավորով եզրափակեց լավագույն հնգյակը:

Մամիկոն Ղարիբյանը:

Հատուկ մրցանակի արժանացավ մինչև 16 տարեկանների շախմատիստների մեջ երկրորդ լավագույն արդյունք ցույց տված 13-ամյ Արսեն Դավթյանը:

Արսեն Դավթյանը:

Մրցաշարի հաղթողներին և մրցանակակիրներին պարևատրեց ՀՀ 3-րդ Նախագահ, Հայաստանի շախմատի ֆեդերացիայի նախագահ Սերժ Սարգսյանը:
Եզրափակիչ աղյուսակ

Լուսանկարները՝ Մեդիամաքս