Մեկնարկում է շախմատի համաշխարհային 43-րդ Օլիմպիադան

տեղադրվել է 2018.09.24 02:14

Մրցաշարի առաջին տուրում տղամարդկանց հավաքականը ուժերը կչափի Ճապոնիայի թիմի հետ, իսկ կանանց մրցակիցը կլինի Ղրղզստանի ընտրանին: Պարտիաներին կարող եք հետևել մեր կայքում՝ ժամը 15.00-ից սկսած

Այսօր Վրաստանի Բաթում քաղաքում մեկնարկում է շախմատի համաշխարհային 43-րդ Օլիմպիադան:

Տղամարդկանց առաջնությանը հաղթողի տիտղոսի համար կպայքարեն 185 հավաքականներ: Մրցաշարում առաջին դասակարգվածն է գործող չեմպիոն ԱՄՆ-ի հավաքականը, որի կազմում հանդես են գալու Ֆաբիանո Կարուանան, Ուեսլի Սոն, Հիկարու Նակամուրան, Սամուել Շանկլանդը և Ռեյ Ռոբսոնը: Մրցաշարում երկրորդ ամենաբարձր գործակիցն ունի Ռուսաստանի ընտրանին, որի կազմում հանդես են գալիս Սերգեյ Կարյակինը, Յան Նեպոմնյաշչին, Վլադիմիր Կրամնիկը, Նիկիտա Վիտյուգովը և Դմիտրի Յակովենկոն: Գործակցով երրորդն է Չինաստանի հավաքականը՝ Դին Լիժեն, Յու Յանգի, Վեյ Յի, Բու Սիանջի, Լի Չաո կազմով:
Օլիմպիադայում 4-րդ անգամ չեմպիոնը կոչումը կփորձի նվաճել Հայաստանի հավաքականը: Մեր թիմի կազմում Բաթում են մեկնել Լևոն Արոնյանը, Գաբրիել Սարգսյանը, Հրանտ Մելքումյանը, Ռոբերտ Հովհաննիսյանը և Հայկ Մարտիրոսյանը: Թիմի գլխավոր մարզիչն է Արշակ Պետրոսյանը:

Օլիմպիադային ուժեղ կազմերով են ներկայացել նաև Հնդկաստանի, Ֆրանսիայի, Ուկրաինայի, Ադրբեջանի, Անգլիայի և Իսրայելի թիմերը:

Կանանց մրցաշարում առաջին դասակարգվածն է Ռուսաստանի հավաքականը: Թիմի կազմում հանդես են գալու Ալեքսանդրա Կոստենյուկը, Ալեքսանդրա Գորյաչկինան, Վալենտինա Գունինան, Նատալյա Պոգոնինան և Օլգա Գիրյան: Առաջնությունում երկրորդը գործակցով Ուկրաինան է, իսկ 3-րդը՝ Չինաստանը:

Հայաստանի հավաքականը մրցաշարին կմասնակցի հետևյալ կազմով՝ Էլինա Դանիելյան, Լիլիթ Մկրտչյան, Աննա Սարգսյանը, Մարիա Կուրսովա և Սիրանուշ Ղուկասյան: Թիմի գլխավոր մարզիչն է Արթուր Չիբուխչյանը:

Նորությունների որոնում

Որոնման կարգավորումներ

select Նորություններ Հայաստանից

select Նորություններ արտերկրից

select Ներկայիս տարին

select Նախորդ տարին

Նորություններ Subheading

Նորությունների որոնում

Որոնման կարգավորումներ