Մեկնարկեցին աշխարհի մինչև 20 տարեկան պատանիների և աղջիկների առաջնությունները

տեղադրվել է 2018.09.06 01:09

Մրցաշարերում Հայաստանը ներկայացնում են Սիրանուշ Ղուկասյանը, Հայկ Մարտիրոսյանը, Մանուէլ Պետրոսյանը, Արամ Հակոբյանը և Շանթ Սարգսյանը:

Թուրքիայի Գեբզե քաղաքում մեկնարկեցին աշխարհի մինչև 20 տարեկան պատանիների և աղջիկների առաջնությունները: Պատանիների մրցաշարին մասնակցում են 59 երկրների 165 շախմատիստ: Մասնակիցների թվում են 25 գրոսմայստեր: Մրցաշարում Հայաստանը ներկայացնում են Հայաստանի տղամարդկանց չեմպիոն և ազգային հավաքականի անդամ Հայկ Մարտիրոսյանը, աշխարհի և Եվրոպայի մինչև 18 տարեկանների չեմպիոն, գրոսմայստեր Մանուէլ Պետրոսյանը, գրոսմայստեր Արամ Հակոբյանը և միջազգային վարպետ Շանթ Սարգսյանը: Աղջիկների մրցաշարին մասնակցում են 43 երկրի 98 շախմատիստուհի: Մասնակիցների թվում 2 միջազգային վարպետ, 4 կանանց գրոսմայստեր և 18 կանանց միջազգային վարպետ: Մրցաշարում Հայաստանը ներկայացնում է Հայաստանի կանանց փոխչեմպիոն և կանանց ազգային հավաքականի անդամ Սիրանուշ Ղուկասյանը:

Երեկ կայացավ մրցաշարի առաջին տուրը: Պատանիների պայքարում հանդես եկող Արամ Հակոբյանը և Շանթ Սարգսյանը հաղթանակներ տոնեցին, իսկ Հայկ Մարտիրոսյանը և Մանուէլ Պետրոսյանն իրենց պարտիաներն ավարտեցին հաշտությամբ: Աղջիկների մրցաշարում մեր ներկայացուցիչ Սիրանուշ Ղուկասյանը մրցաշարը մեկնարկեց հաղթանակով:

Այսօր տեղի կունենա մրցաշարի 2-րդ տուրը: 2-րդ տուրի պարտիաները կմեկնարկեն Երևանի ժամանակով 16.00-ին:

Արդյունքներ (պատանիներ)
Արդյունքներ (աղջիկներ)

Նորությունների որոնում

Որոնման կարգավորումներ

select Նորություններ Հայաստանից

select Նորություններ արտերկրից

select Ներկայիս տարին

select Նախորդ տարին

Նորություններ Subheading

Նորությունների որոնում

Որոնման կարգավորումներ