Տիգրան Հարությունյանը Փոթիի միջազգային մրցաշարում գրավեց 2-րդ հորիզոնականը

տեղադրվել է 2018.07.23 10:35

Հարությունյանը նաև երկրորդ անգամ լրացրեց գրոսմայստերի նորմա:

Վրաստանում ավարտվեց Փոթիի միջազգային շախմատային փառատոնը, որն այս տարի անցկացվում էր 13-րդ անգամ: Փառատոնի գլխավոր՝ A մրցաշարին մասնակցում էին 46 շախմատիստ, այդ թվում՝ 7 գրոսմայստեր: Մրցաշարում Հայաստանը ներկայացնում էին 10 շախմատիստ: 9 հնարավորից վաստակելով 7 միավոր՝ մրցաշարի միանձնյա հաղթող դարձավ Ուզբեկստանը ներկայացնող 13-ամյա միջազգային վարպետ Սինդարով Ջավոհիրը: Տիգրան Հարությունյանը և Վրաստանը ներկայացնող հանրահայտ գրոսմայստեր Լևան Պանցուլայան վաստակեցին 6.5-ական միավոր և կիսեցին 2-3-րդ հորիզոնականները: Լրացուցիչ ցուցանիշների հաշվարկից հետո Հարությունյանը գրավեց 2-րդ հորիզոնականը:

Տիգրան Հարությունյանը և Սինդարով Ջավոհիրը

Մրցաշարում ցույց տված բարձր արդյունքի շնորհիվ Հարությունյանը 2-րդ անգամ լրացրեց գրոսմայստերի նորմա:

Մրցաշարում կանանց պայքարում լավագույն արդյունքը ցույց տվեց Մարիամ Ավետիսյանը:

Մեր ներկայացուցիչները հաջող հանդես եկան նաև B մրցաշարում: Պատանի շախմատիստ Ալեքս Մանուկյանը 7 միավորով գրավեց 2-րդ հորիզոնականը, Ռոմիկ Հակոբյանը 6 միավորով եզրափակեց լավագույն եռյակը, նույնքան միավոր վաստակած Րաֆֆի Ղազարյանը գրավեց 6-րդ հորիզոնականը, իսկ մրցաշարի հաղթող դարձավ Վրաստանի ներկայացուցիչ Նիկա Վոլկովը:

C մրցաշարում Հայաստանը ներկայացնող Ռոբերտ Մկրտումյանը 7 միավորով դարձավ մրցաշարի հաղթող:

Մինչև 10 տարեկանների մրցաշարում հաջող հանդես եկավ Ալբերտո Աթոյանը, ով 6.5 միավորով եզրափակեց լավագույն եռյակը:

Մրցաշարի շրջանակներում անցկացված կայծակնային շախմատի մրցաշարում հաջող հանդես եկավ Վահե Դանիելյանը, ով 7 միավորով եզրափակեց լավագույն եռյակը:

Նորությունների որոնում

Որոնման կարգավորումներ

select Նորություններ Հայաստանից

select Նորություններ արտերկրից

select Ներկայիս տարին

select Նախորդ տարին

Նորություններ Subheading

Նորությունների որոնում

Որոնման կարգավորումներ