Նորություններ Subheading
տեղադրվել է 2018.07.31 01:42
Speed Chess Championship մրցաշարի շրջանակներում կայացած մրցախաղն ավարտվեց 20.5 - 6.5 հաշվով:
Հանրահայտ Chess.com կայքի կողմից անցկացվող Speed Chess Championship մրցաշարի 1/8 եզրափակչում Լևոն Արոնյանի մրցակիցն էր աշխարհի չեմպիոնի կոչման հավակնորդ Ֆաբիանո Կարուանան: Մրցախաղի ընթացքում շախմատիստները 8 պարտիա խաղացին 5 րոպե + 1 վայրկյան ժամակարգով, 9 պարտիա 3 րոպե + 1 վայրկյան ժամակարգով և 10 պարտիա 1 րոպե + 1 վայրկյան ժամակարգով: Բոլոր ժամակարգերում Արոնյանի առավելությունը ահռելի էր. 5 +1 ժամակարգում Արոնյանը հաղթեց 6-2 հաշվով, 3+1-ում՝ 6.5 - 2.5 հաշվով, իսկ 1+1-ում՝ 8-2 հաշվով: Ընդհանուր մրցախաղն ավարտվեց 20.5 - 6.5 հաշվով: 1/4 եզրափակչում Արոնյանի մրցակիցն է լինելու Գիրի - Մամեդյարով զույգի հաղթողը:
