Նորություններ Subheading

  1. Գլխավոր
  2. Նորություններ
  3. Վաղարշապատի N 12 դպրոցի թիմը հաղթանակներ տոնեց Սպիտակ Նավակ մրցաշարի 3-րդ և 4-րդ տուրերում
Վաղարշապատի N 12 դպրոցի թիմը հաղթանակներ տոնեց Սպիտակ Նավակ մրցաշարի 3-րդ և 4-րդ տուրերում

տեղադրվել է 2018.06.05 10:05

i Վաղարշապատի N 12 դպրոցի թիմը հաղթանակներ տոնեց Սպիտակ Նավակ մրցաշարի 3-րդ և 4-րդ տուրերում

3-րդ տուրում մեր թիմը հաղթեց Կեմերովոյի մարզին, իսկ 4-րդում՝ Ալթայի երկրամասի թիմին:

Ռուսաստանի Սոչի քաղաքում շարունակվում է Սպիտակ Նավակ մրցաշարը, որին մասնակցում են հանրակրթական դպրոցների թիմերը: Այս տարի մրցաշարին մասնակցում է 100 թիմ, որոնցից 79 ներկայացնում են Ռուսաստանի մարզերը: Մրցաշարին մասնակցում են դպրոցական թիմեր Հայաստանից, Անգլիայից, Բելառուսից, Գերմանիայից, Հունաստանից, Իսրայելից, Հնդկաստանից, Ղազախստանից, Կենիայից, Ղրղզստանից, Լատվիայից, Մոլդովայից, Ռումինիայից, Սերբիայից, Սլովակիայից, Թուրքմենստանից, Ֆրանսիայից, Չեխիայից, Շվեդիայից և Էստոնիայից:
Երեկ տեղի ունեցան մրցաշարի 3-րդ և 4-րդ տուրերը, որոնցում Հայաստանի դպրոցականները տոնեցին հաղթանակներ: 3-րդ տուրում մեր թիմը 2.5-1.5 հաշվով առավելության հասավ Կեմերովոյի մարզի նկատմամբ, իսկ 4-րդ տուրում մեր պատանիները էլ ավելի վստահ հաղթանակ տոնեցին՝ 3-1 հաշվով հաղթելով Ալթայի երկրամասի թիմին:
4-րդ տուրից հետո աղյուսակը 14.5 միավորով գլխավորում է Հնդկաստանի թիմը, Սվերդլովսկի մարզը 13 միավորով գտնվում է 2-րդ հորիզոնականում, իսկ Մոսկվայի դպրոցականները 12 միավորով եզրափակում են լավագույն եռյակը: Հայաստանը ներկայացնող Վաղարշապատի N 12 դպրոցի թիմը 11 միավորով կիսում է 5-12-րդ հորիզոնականները:
Այսօր տեղի կունենա մրցաշարի 5-րդ տուրը:
Մրցաշարային աղյուսակ

 

Նորությունների որոնում

Որոնման կարգավորումներ