Մեկնարկեց Կարեն Ասրյանի հուշամրցաշարը

տեղադրվել է 2018.06.23 02:24

2-րդ տուրից հետո 6 շախմատիստ գլխավորում են աղյուսակը:

Հայաստանի շախմատային ֆեդերացիան 2018 թ. հունիսի 20-29-ը Ջերմուկ նշանավոր առողջարանային քաղաքում կազմակերպում է Օլիմպիական չեմպիոն Կարեն Ասրյանի հիշատակին նվիրված 11-րդ միջազգային բաց մրցաշարը:

Մրցաշարի բացման հանդիսավոր արարողությունը տեղի ունեցավ հունիսի 20-ին՝ Ջերմուկ քաղաքում, Հայաթ Փլեյս հյուրանոցում: Բացման արարողությանը ներկա էին Հայաստանի շախմատային ֆեդերացիայի նախագահի առաջին տեղակալ Սմբատ Լպուտյանը, Հայաստանի շախմատային ֆեդերացիայի գործադիր տնօրեն Հրաչիկ Թավադյանը:

Կարեն Ասրյանի անունը կրող միջազգային մրցաշարին այս տարի մասնակցում են 8 երկրների՝ Հայաստանի, Ռուսաստանի, ԱՄՆ-ի, Հնդկաստանի, Ուկրաինայի, Վրաստանի, Ղազախստանի, Բելառուսի 72 պատվիրակներ:

Որակական առումով մրցաշարը չափազանց ուժեղ կազմ ունի: Մասնակիցների մեջ են 20 գրոսմայստեր, ինչի շնորհիվ մրցաշարի պատանի մասնակիցները հնարավորություն կունենան լրացնելու գրոսմայստերի նորմա:

Մրցաշարում արդեն կայացել են մեկնարկային առաջին և երկրորդ տուրերի պարտիաները: Գրանցվել են նաև մի շարք անակնկալներ. մասնավորապես մրցաշարի առաջին տուրում Հայաստանի հավաքականի անդամ, գրոսմայստեր Ռոբերտ Հովհաննիսյանը պարտություն կրեց պատանի շախմատիստ Արմեն Բարսեղյանից: Այլ անակնկալներ մեկնարկային տուրում չգրանցվեցին. Բոլոր ֆավորիտները հաղթեցին:

Երկրորդ տուրում մրցակիցները ուժերը արդեն ավելի հավասար էին և ԷԼՈ ֆավորիտներից հաղթանակներ տոնեցին միայն Հնդկաստանը ներկայացնող գրոսմայստեր Սետուրամանը և Ղազախստանի ներկայացուցիչ Ռինատ Ջումաբաևը: Երկրորդ տուրում մեր մասնակիցներից հաճելիորեն զարմացրեցին Հայաստանի կանանց հավաքականի առաջատար Էլինա Դանիելյանը և ՖԻԴԵ-ի վարպետ Վահե Դանիելյանը, ովքեր գեղեցիկ ոճով հաղթանակներ տոնեցին համապատասխանաբար Վիտալի Բերնադսկու և Անդրեյ Ժիգալկոյի նկատմամբ:

2 տուրից հետո Սետուրամանը, Ռինատ Ջումաբաևը, Մանուէլ Պետրոսյանը, Կիրիլ Ստուպակը, Էլինա Դանիելյանը և Վահե Դանիելյանը վաստակել են 2-ական միավոր և գլխավորում են աղյուսակը:

Մրցաշարի անցկացմանը աջակցում են ԼԻԴԻԱՆ ԱՐՄԵՆԻԱ ընկերությունը, Հայաթ Փլեյս և Ջերմուկ Արմենիա հյուրանոցները:

Նորությունների որոնում

Որոնման կարգավորումներ

select Նորություններ Հայաստանից

select Նորություններ արտերկրից

select Ներկայիս տարին

select Նախորդ տարին

Նորություններ Subheading

Նորությունների որոնում

Որոնման կարգավորումներ