Նորություններ Subheading
տեղադրվել է 2018.06.13 11:05
Մրցաշարային աղյուսակը գլխավորում է Ուեսլի Սոն:
Երեկ կայացան «Grand Chess Tour»-ի Լյովենի փուլի արագ շախմատի առաջին երեք տուրերի պարտիաները: Լևոն Արոնյանը առաջին տուրում ոչ-ոքի խաղաց Ալեքսանդր Գրիշչուկի հետ, երկրորդ տուրում առավելության հասավ Հիկարու Նակամուրայի նկատմամբ, իսկ երրորդում ոչ-ոքի խաղաց Վիշվանաթան Անանդի հետ:
3-րդ տուրից հետո աղյուսակը 5 միավորով գլխավորում է Ուեսլի Սոն: Լևոն Արոնյանը և Սերգեյ Կարյակինը 4-ական միավորով գտնվում են 2-3-րդ հորիզոնականներում:
Այսօր տեղի կունենան արագ շախմատի մրցաշարի 4-6-րդ տուրերը:
Գերմրցաշարում հանդես են գալիս Լևոն Արոնյանը, Ֆաբիանո Կարուանան, Շահրիյար Մամեդյարովը, Մաքսիմ Վաշիե-Լագրավը, Անիշ Գիրին, Սերգեյ Կարյակինը, Ուեսլի Սոն, Հիկարու Նակամուրան, Ալեքսանդր Գրիշչուկը և Վիշվանաթան Անանդը:
Մասնակիցները 9 տուր կխաղան արագ շախմատ և 18 տուր՝ կայծակնային: Արագ շախմատում հաղթանակի համար կտրվի 2 միավոր, ոչ-ոքիի համար՝ 1, իսկ կայծակնային շախմատում հաղթանակի համար՝ 1 միավոր, ոչ-ոքիի՝ 0.5:
Հունիսի 12-14-ը տեղի կունենան արագ շախմատի պարտիաները, իսկ հունիսի 15-ի և 16-ին՝ կայծակնային շախմատի պարտիաները:
Խաղերի մեկնարկը Երևանի ժամանակով 16:00-ին:
