Altibox Norway Chess. Արոնյանը ընթանում է առաջատարների խմբում

տեղադրվել է 2018.06.06 11:09

Աղյուսակը 3.5-ական միավորով գլխավորում են Արոնյանը, Կարլսենը, Անանդը և Սոն

Նորվեգիայի Ստավանգեր քաղաքում շարունակվող Altibox Norway Chess մրցաշարում երեկ տեղի ունեցած 7-րդ տուրում Լևոն Արոնյանը ոչ-ոքի խաղաց Սերգեյ Կարյակինի հետ: 7-րդ տուրում մրցաշարում առաջին անգամ սևերով հանդես եկող շախմատիստը հաղթանակ տոնեց. հաղթանակի հեղինակն էր աշխարհի նախկին չեմպիոն, 49-ամյա Վիշվանաթան Անանդը, ով, ըստ բազմաթիվ շախմատային մեկնաբանների, անթերի պարտիա անցկացրեց Մաքսիմ Վաշիե-Լագրավի դեմ: Կարուանա - Նակամուրա և Մամեդյարով - Սո պարտիաներն ավարտվեցին հաշտությամբ:
7-րդ տուրից հետո 4 շախմատիստ՝ Լևոն Արոնյանը, Մագնուս Կարլսենը, Վիշվանաթան Անանդը և Ուեսլի Սոն վաստակել են 3.5-ական միավոր և գլխավորում են աղյուսակը: Նշենք սակայն, որ Արոնյանը ի տարբերություն մյուս մասնակիցների մեկ պարտիա ավել է խաղացել:
Այսօր կայանալիք 8-րդ տուրում մեր շախմատիստը մրցակից չի ունենա, քանի որ Դին Լիժէնը ազդոսկրի կոտրվածքի պատճառով դուրս է եկել մրցաշարից:
Մրցաշարի վերաբերյալ ամբողջական տեղեկատվությանը կարող եք ծանոթանալ մրցաշարի էջում:

Նորությունների որոնում

Որոնման կարգավորումներ

select Նորություններ Հայաստանից

select Նորություններ արտերկրից

select Ներկայիս տարին

select Նախորդ տարին

Նորություններ Subheading

Նորությունների որոնում

Որոնման կարգավորումներ