Նորություններ Subheading
տեղադրվել է 2018.05.26 11:18
Հարցազրույց Օլիմպիական չեմպիոն, «Կաիսա» շախմատի դպրոցի հիմնադիր տնօրեն, գրոսմայստեր, ՖԻԴԵ-ի ավագ մարզիչ Տիգրան Նալբանդյանի հետ
Արդեն 4 տարի Հայաստանում չէր անցկացվում ակումբային առաջնություն և այս տարի այն կրկին վերսկսվեց, իսկ երեկ մեկնարկած կիսաեզրաակիչ փուլին մասնակցում է 31 ակումբ: Գոհացուցի՞չ է նման մեկնարկը:
Քանակի հետ կապված չեմ կարող ասել գոհացուցիչ է թե ոչ, քանի որ դեռ չեմ հասցրել դիտարկել, թե մարզերն ինչ ներգրավվածություն ունեն, բայց այն, որ նման մրցաշարը վերականգնվել է և նորից անցկացվում է, միանշանակ, ողջունում եմ, որովհետև ակումբային առաջնույունն այն միջոցառումներից է, որ խթանում է շախմատի զարգացմանը: Հատկապես դպրոցներում, տարբեր շախմատի կենտրոններում թիմային մթնոլորտը շատ օգտակար է երեխաներին, նրանք ավելի ոգևորվում են, ավելի կապնվում են միմյանց հետ, և այդ առումով այս մրցաշարը շատ կարևոր է: Թիմը ընտրելիս ես առաջնորդվեցի հենց այս սկզբունքով. մասնակցում են առաջին կարգայիններ, որպեսզի փորձ ձեռք բերեն և կատարելագործեն իրենց խաղային որակները:
Մրցաշարի առաջին փուլը անցկացվում է արագ շախմատի կանոններով, իսկ եզրափակիչը՝ դասական: Ի՞նչպես եք վերաբերվում այս ձևաչափին:
Կազմակերպչական առումով դասական մրցաշարի անցկացումը երկար կտևեր, որը կառաջացներ որոշակի խնդիրներ քննական շրջանում գտնվող երեխաների համար: Իմ կարծիքով սա ճիշտ որոշում է, որովհետև մրցաշարին մասնակցում են գրոսմայստերներ, միջազգային վարպետներ և թիմերի համար նրանց երկու անգամ հրավիրելը փոքր ինչ դժվար կլիներ: Ասյտեղ խնդիր չեմ տեսնում: 25 րոպե գումարած 10 վայրկյան հավելումով յուրաքանչյուր քայլի համար ժամակարգը դասական շախմատին ամենամոտն է: Հետագայում, ակումբների ավելացման պարագայում, իհարկե ավելի հետաքրքիր կլինի մրցաշարն անցկացնել 10 կամ 11 խաղափուլով:
Պրն. Նալբանդյան նշեցիք, որ Ձեր թիմում հանդես են գալիս առաջին կարգային շախմատիստներ, իսկ նրանց առձև որևէ սպորտային խնդիր դրել ե՞ք, ո՞ր հորիզոնականը կհամարվի գոհացուցիչ:
Որևէ սպորտային նկրտումներ չունենք: Նպատակը միայն փորձ ձեռք բերելն է. հաղթելը կամ պարտվելը էական չէ: Կարծում եմ ճիշտ որոշում ենք կայացրել, որ մասնակցում ենք այսպիսի թիմով:
Վերջում, ևս մեկ անգամ ողջունում եմ մրցաշարի վերսկսումը և հուսով եմ, որ այն շարունակական կլինի և շատ կուզենայի գար այն օրը, երբ Հայաստանի ակումբային առաջնությանը մասնակցեին արտասահմանցի շախմատիստներ: Այս դեպքում մենք կկարողանանք փաստել, որ մենք հետաքրքիր միջոցառում ենք կազմակերպում:
